2022年7月20日
世界上有些問題的解決方法很簡單,隻眼開、隻眼閉,但在婚姻裏,最好是閉起雙眼──這是一個已婚女人對我說過的話。
話說上周六同好姊妹去Rosewood鬆一鬆,Rosie離開大堂時爽到爆爛gag:「小朋友最怕Dictation,成年人最愛Staycation!」我本來想笑一笑,但望見準備check in的男女,不禁怔了一下,再用眼神示意她望向3點鐘方向。
「咦,嗰個咪係Nicole老公,一定係,除非唔係!」果然是好姊妹,把我心底話低聲說出來。
「係好嘢,戴着口罩都認到!」我皮笑肉不笑地回應。
Nicole樣貌不起眼,而賺錢能力在舊同學中數一數二,傳聞中學開始投資外幣,畢業第二年已經在十大屋苑置業,同年拉埋天窗,卻與老公過着「分居婚」的日子。出來社會頭幾年,她買樓只為投資,一拆二、二拆四,前幾年更在半山區做業主,直至大瘟疫爆發那年有了小朋友,兩個人才築起愛巢。
「梗認得啦,佢老公好似籃球員咁高,黑黑實實,兼且行路姿勢似足男模。」我倆走落星光大道,Rosie才敢說下去,皆因兩個人四隻眼百分百肯定,Nicole老公身邊的女人不是Nicole,而是一個韓風打扮的青春少艾。
「真相,未必每個人都想知,有些人寧願裝作不知,你話應唔應該同佢講呢?」我沒有答案,她無言以對。
一陣熱風拂過面頰,我們沉默了好一會兒,她提出建議:「不如我哋試探下Dada,或者她知道更多內情呢?」
Dada是Nicole推心置腹的閨蜜,多年前玩遊戲飲醉了,曾當眾爆了不能說的秘密,我爽快地答:「都好,可惜無圖無真相。」Rosie聞言露出鬼馬表情,原來在我們離開酒店前,她已用迅雷不及掩耳的速度偷拍了幾張「證據」。
單身狗總想找個伴共度風雨,找到後會發現風雨都是另一半帶來的。欲知後事如何,請看下回分解。
訂戶登入