《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2022年3月16日
大文豪莎士比亞說過：「戀人總在旅途的終點相會。」看着大S（徐熙媛）與20年前舊愛具俊曄閃婚，依然有顆熾熱少女心的我們，無不重新憧憬着未來的幸福，哪個他會在什麼時候現身？
上周提到大學男好友到我家WFH，雖說孤男寡女共處一室，女仔實有損失，但他天生花樣童顏，我一直視他如姊妹，有時出街也會牽着他的手（不是十指緊扣），關係好到曾經令前度呷醋。
「咁你覺得我點呢？」酒醉三分醒，他面紅耳赤地再問一次。
「我覺得你經常認真做儍事。」聽到我的話，他醍醐灌頂。
「此話何解？」熒幕播放着《金魚妻》，似乎我們都沒在看。
「港女有個共通點，無論年年考第一抑或年年考包尾，總之──結論永遠『都是你的錯』，包括我，所以有何爭拗，男人先認低威，平靜下來再講道理，一定無死錯人！」我說得振振有詞。
「You're absolutely right！」他若有所思，然後轉移話題。
「記唔記得以前我哋經常兩個人入戲院？」
記得我倆以前一齊在戲院看《熔爐》，流下了揪心的淚水；也一起睇《我的野蠻女友》DVD，流下了窩心的淚水。
「吓？唔使想當年，疫情之前都有啦！」
「我花了一半的人生，等你醒悟過來愛上我，我一半的人生都在愛着你。」空氣凝固了，他吸一口氣說下去：「有無睇過《緣來自昨天》（Yesterday），呢句對白好正！」
「仲以為你吟詩！」
「你在心目中是女神級，一直唔敢有非份之想，如果我話，呢句係我心聲呢？」
「哈哈！你飲大咗？」
「係呀，我真係飲大咗，都是我的錯！」
我大笑兩聲，心底話是「等到我們相識20年，你未娶、我未嫁，先講啦」，當然沒宣之於口。忘了哪個哲學家說的，「如果無知是福，世界上應該有更多幸福的人才對」，現在我終於明白真正的意思。
訂戶登入
