《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2020年5月27日
曼聯借將恩哈路5月31日就要送番中超啦，雖然呢位尼日利亞國腳同紅魔鬼都想繼續合作，可惜為期半年嘅借用合約到期，上海綠地申花想收番都冇辦法！大家會唔會覺得恩哈路好冇陰公呢？達聞西「笨」唔係咁睇！
首先，非洲人響內地高人一等，最近新冠肺炎可能跌咗少少，但係待遇上始終高過當地平民。更何況恩哈路係英超著名球星，享有國際知名度同認受性，你估係普通中超球員張小黑、李大軍、陳細九咩？繼續波照踢、錢照搵。
其次，恩哈路呢半年紅魔鬼生涯，上陣8次3度正選入4球，曼聯球迷覺得佢犀利過馬迪爾同拉舒福特添！可見佢減薪加盟曼聯係賺多過蝕，將來要重返歐洲實大把球隊搶住要。所以，恩哈路呢次送中唔係壞事，分分鐘係準備下次再走佬。
外援難回內地
最後，恩哈路短期可能要繼續留喺英國，因為中國政府出於防疫考慮，3月28日起禁止外國公民入境，所以賓尼迪斯、阿古士圖、史泰歷克等外國人通通留響原居地。外援教練、球員歸唔到隊，中超新球季點開鑼？中國足協都好頭疼。
內地天災人禍嘅特點係斷唔到尾，外國疫情隨住時間而減弱，但內地權威鍾南山博士就話要防範第二波疫情，點解會返轉頭嘅呢？真係唔明啦！如果真係疫情大回歸，恩哈路仲使唔使返去呢？所以，未來嘅嘢放長雙眼睇啦！
恩哈路係個成年人，唔會遇上風浪就話係end game或世界末日！可能Marvel電影實在太盛行，搞到大家都幼稚咗，呢個世界冇超級英雄，同樣亦冇所謂薩諾斯，嗒一嗒手指毀滅半個宇宙？信嗰個娜衣芙（naive），驚嗰個頭腦簡單！
歷史係條長河，任何嘢都有一個過程，讀歷史好玩之處就喺呢度，一段時期會暗無天日，但過一排又風光明媚。當然啦！好多人過分簡單睇歷史，覺得歷史有標準答案嘅，覺得係有正邪對錯嘅，呢類人簡稱叫讀死書。
所以呢，香港人唔需要驚，我哋嘅地位同影響力高過恩哈路，齋睇金融市場個power，就算唔係美斯、C朗級數，都係麥巴比、尼馬啦！你估巴黎聖日耳門驚冇咗尼馬多啲，定麥巴比驚搵唔到下家多啲？放心啦！全力去do，要驚就N份驚。
放大圖片 / 顯示原圖
訂戶登入
