熱門:

2017年3月13日

蘭詩 視線所及

一個腎值幾錢?

前陣子好姊妹「番茄」入院做個小手術,我和「Ally」身為她的閨蜜當然要去醫院為她打打氣。

未行到她的病房已發現「守衞森嚴」,原來「番茄」剛巧有幸與城中富豪為鄰!

入到房間,「Ally」想令「番茄」輕鬆一些,即「吹水」說:「哇!傳聞話佢為答謝『外母』捐活腎畀佢,畀咗好多億過老婆,原來一個腎係咁值錢嘅!以後我都要食多啲腰果露補補!到你哋邊個有需要時高價放個畀你!哈哈!」

我答:「唉喲,『Ally』,啲報紙攞人家啲不幸事來炒作,已經唔啱;你身為專業人士攞啲未經證實嘅是非當笑料就更加抵打呀!」

另外,其實器官係無價寶!出賣器官來換報酬會犯「買賣器官」罪!因為根據《人體器官移植條例》,喺香港任何人:一、為買賣器官而畀過或者收過錢;二、尋求願意為錢賣器官嘅人;或者三、提出或商議涉及買賣器官嘅安排。咁不論移植係喺或打算喺邊個地方進行,都已經觸犯香港法例。

任何人知道或理應知道有人曾為或將會為嗰個器官喺香港或外面畀錢,又打算喺香港進行移植、切除或進出口作移植用途,亦都犯罪。

以上罪行一經定罪,如屬首次定罪,可處罰款5萬元及監禁3個月,其後各次定罪,均可處罰款10萬元及監禁一年。

「番茄」笑笑問:「咁無錢收,如果我有事,『Ally』你仲肯唔肯捐畀我先?」

我答:「嗯!即使『Ally』話yes都唔係一定0K㗎!因為條例規定,除非已經有『人體器官移植委員會』事前批准,否則器官移植必須係由配偶或有血親關係嘅人捐出!

「『血親關係』係指:一、親生父母及親生子女;二、兄弟姊妹(包括同父異母或同母異父);三、親生父母的兄弟姊妹(包括同父異母或同母異父);及四、表/堂兄弟姊妹、姪女姪子、外甥女外甥。

「另外要注意,至於『配偶』,要結咗婚唔少過3年先得。

「如果無以上關係,仍然可以向『人體器官移植委員會』提交申請。根據《人體器官移植條例》第5C及5D條,一、捐贈人必須年滿18歲;二、該申請須由捐贈人主診醫生提交;三、註冊醫生必須在受贈人不在場嘅情況下,向捐贈人解釋有關器官切除嘅各項事宜;四、捐贈人須在非受威逼或引誘嘅情況下同意進行器官切除;五、無人曾經或打算畀錢。若符合以上條件,委員會給予書面批准。

「喺香港,每日都有超過二千名病者亟須接受器官移植,你哋有無登記喺死咗之後捐贈器官呀?」

「Ally」和「番茄」兩個異口同聲回答:「未喎!」

我答:「咁快啲喺網上《中央器官捐贈登記名冊》登記啦;以下是係網址:

http://www.organdonation.gov.hk/tc/home.html。」

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads