而家冇翅你食啊？

達聞西最討厭啲着數攞到盡，郁下就喊苦喊忽嘅人。學《旺角卡門》個烏蠅哥話齋：「而家冇翅你食？冇鮑魚你食啊？係冇冷氣啫嘛！」講緊邊個？咪係喺傳媒面前喊到爆水喉咁嘅阿拿奧杜域囉！奧地利伊巴？奧地利喊包就有你份！呢位中超上海海港隊中鋒，日薪35.6萬人仔，原來係喊因疫情關係，唔見妻兒成幾個月，呢次回國備戰歐國盃，一時悲從中來，忍唔住喺傳媒面前「淚崩」。「太唔容易啦！同家人分開幾個月，返到奧地利開心晒！嗚嗚嗚嗚……」喊完未啊？喊完聽達聞西講。海港隊攞住把槍叫你返去啊？廣州隊嘅巴西國腳保連奴就拒絕歸隊，選擇留喺家鄉陪家人，目前仲傾緊解約添！海港隊嘅巴西球星侯克點樣呢？同女友喺上海灘踩單車，不知幾浪漫， ...

（節錄）全文共795字