雞蛋撼穿牆

邊個話雞蛋冇得同高牆撼？法甲球隊里爾呢粒鵪鶉蛋，禮拜日就撼穿牆贏到法甲冠軍啦！佢哋以1分之差壓倒豪門巴黎聖日耳門，歷史上第4次稱霸法甲，上次係2011年由夏薩特同謝雲奴立下奇功。里爾正選11人先值2點幾億歐羅，相當於聖日耳門球星尼馬一個人嘅轉會費，最出名不過係葡萄牙老將荷西方迪、葡萄牙過氣天才連拿度辛捷士、利比里亞名宿韋亞個仔添莫菲，同埋前土耳其國腳耶馬士。新冠疫情令到上季法甲中途暫停，令聖日耳門以外嘅法甲隊財路盡失，里爾更加成為重災區。原本靠青訓嘅里爾衣食無憂，2017/18球季賣球員賺到1.1億歐羅，但衰偽造賬目罰3000萬歐羅，再遇上疫情打擊即刻唔得掂！舊年底，班主盧比斯求摩根大通 ...

（節錄）全文共770字