千帆萬木

不經不覺，寫咗近五年專欄。因為稍後想專注電影工作，今日喺度暫別。此間幾百篇拙文，唔算咩妙思高論，但至少言出由衷，問心無悔。韶華去如白駒過隙。只係幾年，原來香港已歷幾度山高谷低，自己走過數度潮漲浪退。喺報章寫文，有啲似定期將心事向深山樹林吶喊，其實唔係好知有咩反應。所以只要你喺報章睇過、網上分享過我一篇文章，就當你有過迴響，曾經陪我走過人生一段路。如果咁好彩，我所寫嘅曾經引發你對某某議題嘅興趣，咁就謝天謝地喇。生於斯。所以文章大多關於斯。約莫舊年年初開始，我改用粵語去寫。才疏學淺，我冇辦法好似先賢一樣流水行雲，寫到頭頭是道；但總算盡過綿力，去嘗試令人相信，香港粵語宜雅宜俗，可以立論抒情，可以 ...

（節錄）全文共917字