規範香港

網上瘋傳，有家長投訴小學中文老師過分執着中文字嘅字形，例如個田字，入面嗰一橫兩邊唔畀掂到出面，四隻角又要黐到實一實，搞到寫一隻字都好似做手工咁樣，要學生改完又改。家長金句：「孩子最重要的時間，都已花在不重要的事情上；家長最後的青春，也陪伴孩子花在標楷體上」，聞者心酸，但又哭笑不得。因為已經唔係個別事件，事緣係教育局嗰份《香港小學學習字詞表》，美其名係減少異體字，等中文老師教寫中文嘅時候有標準依據。實情係小朋友學識呢啲字之後，無論係睇書、上網、出街睇招牌餐牌等等，都唔會見番一模一樣嘅字，更何況呢個世界愈嚟愈少機會寫字，咁小朋友用九牛二虎之力學呢啲所謂「規範中文字」係為乜？恕我多心，「規範中文 ...

（節錄）全文共921字