微縮模型

一連有兩個微縮模型嘅展覽，相信好多朋友同我一樣都鍾情呢啲微縮模型。細細個企喺模型舖門口，睇住啲火車穿梭車站、郊野同埋山洞，合乎比例嘅迷你人仔，神情、姿態、動作各有唔同，可以睇好耐都唔厭。連帶新樓售樓處嗰啲模型我都好鍾意睇。首先係第一次嚟香港開展覽嘅日本藝術家田中達也。你唔能夠唔佩服佢嘅毅力，唔知由幾時開始，佢每日都會做一件微縮模型。佢嘅創作模式係用上一件實物，成為個模型嘅環境或者道具，再用人仔去呈現效果。三百六十日風雨不改咁做，睇都睇唔晒。佢嘅作品睇落好有詩意。譬如佢會用綠色嘅一件冷衫，上面放啲迷你模型馬仔，冷衫即時成為一片綠油油嘅草地。另一件作品，將一本筆記簿打開，喺上面放上好多架迷你單車 ...

（節錄）全文共892字