世道邪惡慎防語言偽術

好多香港人睇得滾瓜爛熟嘅《九品芝麻官》入面，吳啟華飾演嘅惡霸狀師，將張敏飾演嘅戚秦氏，由原告屈成被告，都尚且要買起啲證人同埋貪官。但係喺真實世界，要將施暴者同被施暴者身份倒轉；只需要有人不斷散布歪理，同埋傳媒幫手直出就夠。方法一：將施暴事件淡化成中立事件。全世界各地發生示威衝突事件，畫面都係大同小異：譬如就係示威者向警察掟石，警察向示威者射水炮或施放催淚彈。即使武力等級相差十萬九千里，講成係暴力衝突都仲有少少藉口。但係如果係示威者一方高舉雙手，警察使出全力用棒敲打，甚至係開槍，咁難講到係暴力衝突，橫睇掂睇都係一方攻擊另一方啦。呢個時候，發言人對記者講：「對於發生暴力事件表示遺憾，呼籲雙方克 ...

（節錄）全文共906字