《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2019年4月8日
各位「巴打」，上回講到，戴Sir知道了上市公司董事的「炒魷」方法，當中可以是自願性質或非自願性質，之後高仁的「豬朋狗友」應景地一起享用一碟豉椒炒魷。
奈何人性不會輕易滿足，有一些人可能會覬覦上市公司資產，期望透過搶奪董事會控制權達到目的，本文高仁與「豬朋狗友」將會討論搶奪董事會控制權的可能陰招。
戴孤劃：施友化，你一定都會知道了吧！有時候，董事會委聘了獨立非執行董事（Independent Non-Executive Director，簡稱INED），但他們（高仁註：理論上）不是與大股東一夥，公司要幹大事就挺麻煩！
施友化：如果董事會有兩個陣營，仲要係勢均力敵，又真係比較難搞嘅。
高 仁：唯有清除咗呢個「眼中釘」INED，先至可以搶奪董事會控制權。
戴孤劃：搶？！怎樣搶？
高 仁：我之前咪講過，根據公司嘅章程細則，可以規定喺某些情況下，董事必須辭職，例如佢有精神錯亂或頭腦不清晰、破產，甚至無故經常唔出席董事會議，或者被其他所有董事要求辭職等。
施友化：對於破產嚟講，除咗公司章程細則可能有條款規定唔畀一個破產人士成為董事外，其實《公司條例》仲有規定【見小檔案】，一個未償清債項嘅破產人士擔任公司嘅董事係犯法行為，可以被判罰款或坐監。
戴孤劃：難道我要令到這個「眼中釘」個人破產！？
高 仁：Bingo！當然唔係用正常手段，係可能要出陰招先得。
施友化：嘩！陰招？點搞呀？
設桃色陷阱害人破產
高 仁：男人惹禍上身，不外乎酒、色、財、氣，當中酒同色應該幫到手。
戴孤劃：（又用普東話，即普通話加廣東話）要怎麼辦？快點說吧！
高 仁：舉例嚟講，早前社交媒體#MeToo嘅hashtag，性騷擾事件受到大眾廣泛關注，大股東可以預先設定一個酒、色陷阱，等「眼中釘」酒醉亂性不知不覺墮入桃色糾紛。
施友化：哦！美少女之後可以#MeToo揭發事件，跟住向「眼中釘」索償天價民事賠償。如果美少女勝訴嘅話，「眼中釘」就要宣布個人破產咯！
高 仁：冇錯！大股東把「眼中釘」踢出董事會後，就可以成功搶奪董事會控制權，公司咁咪可以幹一番大事囉！
戴孤劃：這個招數也未免太狠了吧！
高 仁：哈哈！唔係點樣稱得上係陰招喎。
本欄逢周一刊出
如想與高仁交流上市公司的財技個案及招數，請電郵至[email protected]。
《公司條例》第480條
小檔案 : 一位未償清債項的破產者擔任公司的董事，是犯法行為，可被判罰款或入獄，除非裁定他或她已破產的法院予以豁免。
放大圖片 / 顯示原圖
訂戶登入
| 下一篇： | 小超人親民 髮型屋升呢 |
| 上一篇： | 金市牛熊角力未分高下 |
