2017年9月18日
原來世上真係有免費午餐!
前陣子和幾位行家到華商會所晚飯,那間板間小房隔音甚差。旁邊房間的人客一到埗,即和已經到達的朋友說:「我個律師正衰人,我屋企樓上漏水,打電話俾佢問少少advice;點知問多幾句,佢就叫我相金先惠!」他友人回應:「你嗰個係衰人,我嗰個簡直唔係人!收錢時就話信心十足,到打輸咗官司又話其實我啲證據太弱,神仙難救!叫佢咁不如waive我啲律師費,佢又話no way!乜嘢律師會規定唔可以no win, no pay喎!」
我們四個律師在旁邊房間內聽到他們的對話,確實啼笑皆非,立刻要隱藏身份。
其實每個行業都有不同操守和水平的成員。我不敢說每個律師都Ichiban,愛心爆棚!相反,我亦希望大家不要一竹篙打一船人;因為也不是每個律師都眼中只有$ sign的!
其實香港律師會一直關愛社會,由1991年開始,每年舉辦法律周——由百忙中抽空來做pro bono work的義務律師,透過多元化的活動,免費向廣大市民宣傳日常法律知識,以及推廣本地法律服務。
在每年的籌備過程中,我發現其實行內也有不少同路中人,願意放棄賺錢的時間、狂歡的機會,親力親為、回饋社會。
今年是香港律師會舉辦法律周第26年了。我有幸擔任今年的籌委會主席。我們定了今年法律周的主題為「法在起跑線」。
因為我們希望透過法律周期間舉辦的一連串活動,除了向成年人灌輸正確法律知識之外,亦可以鼓勵小朋友應從小認識法律,明白法律同法治精神乃我們社會的重要基石。
所以,今年我們特別安排加插咗一些針對小朋友的活動。和小朋友透過故事分享,角色扮演,加強小朋友對法律同法治精神的理解。
近年,香港律師會亦活躍於網上社交平台,法律周活動亦包括製作並在網上發放生動有趣的法律短片,使接觸層面更廣泛之餘,亦可讓年輕一代寓學習法律於娛樂。
當然我們亦會照顧其他大朋友,所以我們將會舉辦以下兩個針對公眾的大型活動,讓市民對法律有更深入嘅認識:
9月22及23日於銅鑼灣時代廣場舉行的「免費法律諮詢服務」;
10月20及21日在灣仔小童群益會舉行的4場免費社區法律講座。
提供「免費法律諮詢服務」當日,將有近百位律師及見習律師為大家免費解答法律問題。大家不要錯過寶貴機會,立刻報名參加以上活動啦!出席者更有機會獲贈香港律師會製作的《法律通識》一本,先到先得。報名方法:請電郵至[email protected]或致電3482 8698。
到時見到我,記得和我say Hi呢!
訂戶登入