熱門:

2021年9月20日

周一人物

深耕多年 有機菜供應穩定

隨着全球積極發展有機農業,加上香港都市化及經濟轉型,本地農業早已萎縮,政府自2000年開始推動有機農業發展,為業者帶來新方向及開拓較高回報市場,經多年深耕,黃煥忠形容算得上達致階段性成功,「有機蔬菜去到較穩定嘅stage(階段),即使未能再爆發,起碼供應穩定,數量係少,每日大約得6噸。」

港非缺農地 只欠規劃

「港人每日平均食2000噸菜,而家本地自給嘅(有機或普通)約36噸,你用有機菜計,比例算唔錯,6噸除以36噸,即是佔16.67%,歐洲好多國家都去唔到10%,所以如果講香港農地用來種有機(蔬菜比例),可能全球第一,呢個數字幾好聽,但個量好細,因為九成以上都係進口。」黃煥忠娓娓道來。

對於有機農業前景,他審慎樂觀,「香港其實唔係無地,4000幾公頃農地(2018年約4500公頃),現時真係用來作業,包埋種花嗰啲,大約得700公頃,即係仲剩差不多4000公頃,當中1000公頃棕地、3000公頃農地,我唔相信政府會攞晒去起樓;假定有2000公頃農地,已足夠生產20%以上自給蔬菜,因此土地應該唔係問題,只不過未有好嘅規劃。」

黃煥忠重申,本地有機蔬菜生產量有很大提升空間,「點解只係(每日)種6噸?10倍都係60噸之嘛,而家香港(蔬菜)自給率1.8%,去到10%都只係5倍幾,需要多1000公頃農地左右,香港嘅農地夠有凸,(是否少人肯務農?)只要收入穩定,我相信農業係吸引到年輕人,好多人嚮往大自然生活,自由自在種自己嘅菜,又唔破壞環境,當然最重要係養得起自己先。」

有錢賺不愁無人入行

他舉例,懂得耕種及經營的農民,月入動輒2萬、3萬元,還可利用農場從事其他業務,譬如教育、休閒農業等,創造額外收入,「咁已經係多元化嘅農場,並非個個大學生都賺到3萬蚊(月薪),有啲捱十幾年都只係賺緊萬幾,同埋(農民)唔使睇老細面色、無辦公室政治;傳統農夫真係無乜新人願做,但有機農夫呢十幾年多咗後生仔入行。」

黃煥忠又補充,港人對有機食物需求殷切,市場每年錄得雙位數增長,「你食有機,入門最容易就係蔬菜,一斤35到45蚊,好多人畀得起。有機肉就貴咯,成百蚊。有機魚一條都要80、90蚊,數量又唔多,所以有機農業應該會有幾好發展,漁業、肉類就要睇未來消費能力。」

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads