|
熱門:

上足電,捲足線,TESLA冇咗AUMANN唔得

2018年1月15日

細個玩過四驅車模型的朋友,一定有改裝過摩打。眾所周知銅線圈捲得越多,摩打就越快,捲得越緊,用電便越有效。於是個個細路都捲銅線圈,四驅車快到「飛出街」,最後先發現雙星唔准用改裝過的摩打比賽。另一件要長大後才知道的事是你部TESLA電動車 MODEL 3同四驅車一樣,線圈捲得越靚就行得越順。

德國公司AUMANN正是電動車核心技術捲線圈(COIL WINDING TECHNOLOGY)的典範,公司只賣捲綫圈的機器,幫電動車廠捲線圈。簡而言之,當TESLA的捲線師傅仍要人手拉銅線時,AUMANN悉數自動化,一部機器便是答案。「發發聲捲幾嘢」,公司2016年營業額錄得1億5千萬歐羅,毛利率和純利率各為42%和12%。好賺之餘,AUMANN自動化捲線圈技術(DIRECT WINDING TECHNOLOGY),比起傳統做法,用少50%銅線,少30%電金屬板,減少20%佔用空間,仲增加左電池接觸率同加快散熱,即刻提升電動車的效能。

技術了得之餘,最緊要係TESLA冇咗AUMANN唔得。

TESLA一向堅持自己做、自己製、由車殼組裝都一手打造,目前產能集中在加州費利蒙廠,每年只生產100,000部。2016年TESLA全年銷量是76,000輛電動車,如今接單暴增六倍,在50萬輛的訂單中,MODEL 3佔了七成,加上2017年11月底TESLA再推新款ROADSTAR及電動大卡車,換言之2018年要生產500,000部先滿足到市場需要, 2020年一百萬部先夠賣。試問而家嘅生產速度,又邊度滿足到市場?大佬,你搞掂條生產線先啦。深陷生產瓶頸地獄的TESLA很難預測解決這問題,目前預計至2018年第一季末時每週生產5,000輛MODEL 3轎車,但去年第三季僅生產260輛MODEL 3,早已甩曬期。

ELON MUSK當然想快啲攪掂條生產線,不過好多野急都急唔來。因為TESLA雖然係自動化生產,但係最重要嘅摩打部份,依然需要師傅人手製作拉銅線、綁銅線,耗時,耗人力,出品慢,簡直浪費生命,燒錢加劇。所以過去兩年,TESLA嘅自動化捲線圈技術只有靠AUMANN頂住,是汽車界人所共知的事實。

電動車市場佔有率全球第一的挪威,八年後就全面禁止汽柴油車;印度計劃在2030年後;英國和法國計劃在2040年後全面停售汽柴油車。中國政府亦開始研究時間表。汽車工業是德國的經濟命脈,「工業4.0」-第四次工業革命從概念到實踐,汽車業首先動起來,許多應用場景逐漸浮上枱面。降成本,尋找新夥伴的同時,一些老牌供應商的機會來了,其中TESLA的供應商之中AUMANN最有指標性,AUMANN賣捲線圈技術已經超過80年,佢地座右銘係:「無論邊個賣電動車,佢都要買我嘅機器(NO MATTER WHO WILL PREVAIL IN THE E-MOBILITY REVOLUTION, THEY WILL NEED AUMANN’S MACHINES)」。早於1985年BMW同BENZ就已經搵佢買機器,之後航空、鐵路、農業、綠色科技等等行業相繼搵佢買,VOLKSWAGEN、波子、AUDI、GM、BOSCH、ROLLS ROYCE、福特、波音、海爾、AIRBUS、MIELE、西門子都係佢嘅客。今年輪到TESLA同比亞迪排住隊搵佢捲線圈。

AUMANN去年10月收購埋做自動化生產,一年做7000萬歐羅生意的USK,兩間公司加埋都未請到1000人。德國企業不想賺快錢,一件德國廚具可以用三代,他們只會著眼於長遠成功。德國人就有德國人的浪漫,你估真係請多10倍的師父返嚟?你請得切,啲師父都TRAIN唔切啦。AUMANN股價2017年2月上市一股42歐元,半年後已經升至77歐元。上市之後就會係中國內地同北美開廠,由德國鄉下做到全球生意。

老占點評:

1. 唔想淨係買TESLA,我地有AUMANN

了解更多相關投資機會

下一篇全球第一支AI股票 ---- NVIDIA

活動專輯
更多內容

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。