2022年1月20日
「殺鼠令」惹起極大爭議,一度讚揚政府殺倉鼠果斷明智的政府專家顧問袁國勇昨透露收到詛咒電郵叫他「去死」。他說,雖明白港人重視小生命,但為免疫情擴散,把倉鼠人道毀滅是唯一選擇。
袁國勇前日表態後,「我都收到一啲叫我去死嘅email」,他希望市民能諒解當局的決定。他昨晨在電台節目承認「殺鼠令」是不好的選擇,「我哋要作出取捨,呢個係唔好嘅選擇……我哋都傾咗好耐先作出呢個決定,因為我哋都了解到好多人同寵物係建立咗感情。」
許樹昌促驗進口動物
另一政府專家顧問、中大呼吸系統科講座教授許樹昌相信倉鼠將病毒傳人機會高,懷疑早在荷蘭運抵港前已帶病毒,到港後污染倉庫及寵物店,然後感染店員;撲殺是基於公共衞生考慮,「嗰隻動物係好容易受感染,又帶病毒,加埋Delta,嚴重程度會犀利啲……如果香港又多一條傳播鏈,就好難搞。」他認為日後本港進口細小動物前須先檢測。
另外,銅鑼灣謝斐道535號地下一間大型日式寵物超市門外及櫥窗玻璃昨天凌晨被淋紅油,警列「刑事毀壞」處理,正調查犯案動機。
放大圖片 / 顯示原圖訂戶登入
下一篇: | 葵涌邨同座兩住客中招 |
上一篇: | 寵物店Little Boss 1213隻小動物被宰 |