2015年3月7日
受到金管局辣招影響,二手買家入市態度轉趨觀望,加上一手搶客,令周六及日預約睇樓量回落,其中美聯統計15大屋苑的預約睇樓量僅得815組,按周下跌9.7%【表】。
美聯物業住宅部行政總裁布少明表示,金管局辣招令市民更難上車,準買家惟有放慢睇樓步伐,靜待後市發展,加上部分業主封盤或轉賣為租及有新盤開賣搶客,預料短期內二手睇樓量只能低位橫行,「一手旺、二手靜」情況將持續,須待市場消化辣招的負面心理影響,才有望展現突破。
東涌急挫兩成
東涌映灣園受同區新盤昇薈重售拖累,周六及日只得13組客預約睇樓,按周急跌23.5%,是15大屋苑中跌幅最勁。而藍田滙景花園、觀塘麗港城及荔枝角美孚新邨,周六及日預約睇樓量同跌20%,幅度僅次於映灣園。至於有全新一手盤開賣的紅磡區,同區的黃埔花園周六及日錄得62組客預約睇樓,按周減少19.5%。
中原地產統計十大屋苑,周六及日共有447組客預約睇樓,按周微減1.8%,中原地產亞太區住宅部總裁陳永傑表示,政府加辣一星期,十大屋苑預約睇樓量微跌1.8%,幅度不算大,因政府出招只對部分首期資金有限的用家影響較大,惟實力用家依舊入市,但周六及日有多個新盤開售,攤薄二手市場焦點,才令二手睇樓量回落。不過,利嘉閣地產統計的50大屋苑,周六及日則錄得1360組客預約睇樓,按周回升1.5%,結束連跌4周的局面。
放大圖片 / 顯示原圖訂戶登入
下一篇: | 中威商廈極高層成交呎價1萬 |
上一篇: | 樓價指數連創9個月新高 |