熱門:

2019年12月18日

特稿

理大圍城滿月 「渠王」憶助30人逃脫

11月的理大圍城事件逾千人被困,警方與示威者爆發激烈攻防戰。當校園多個出入口被警察圍封後,部分人選擇留低繼續與防暴警對抗,但亦有人想盡辦法逃離理大,甚至嘗試游繩及爬渠。今天是首批示威者逃離理大一周月,當日有份協助留守者逃生的「渠王」A先生(化名)接受訪問時,憶述協助30人全數逃出的驚險經過。

A先生透露,當初因協助兩名友人離開校園,從而獲邀進入Telegram逃生群組,群組內有40多人,包括連登管理員、「哨站」救護人員及前線示威者,「其中一位朋友係前線救護,佢知我對渠道有一定專業認知,就叫群組入面嘅人加我入去」,由於A先生提供多張地下水渠圖則及理大範圍渠道種類圖作分析,被稱為「渠王」,群組內無人質疑其可信性。

儀器量沼氣 哨兵終點守候

由於爬水渠是極高危逃脫路徑,稍有差池隨時喪命或被防暴警截獲。A先生解釋,香港有兩種非加壓式排水系統,包括雨水及污水渠,並陳述有關風險,「污水渠有沼氣,但雨水渠都唔係完全安全,因可能有死老鼠或有非法污水入咗渠,再加上潮漲潮退,同埋要顧及地面有無便衣警等」,惟由於時間緊迫,眾人經考慮後決定循雨水渠逃離。

翌日早上,爬渠之旅由「哨站」救護把關,以儀器量度渠內沼氣度數,確保沼氣達安全標準,A先生指出,每隊「下渠」人士最多十人,視乎渠道長度,每人全身須包上保鮮紙防止被污染,身上須綁上頭燈及開啟實時位置的電話,水位上升速度亦十分重要,「落到渠就要蹲住行,當時每日平均最高水位去到2.3米,最低係0.8米,會有哨兵喺終點計時,每45分鐘至1.5小時都要揭蓋睇吓有冇人喺渠底。」

兩人循最難路線游出海濱

A先生不諱言,透過他成功逃出的有30人,惟並非每人逃生的過程均順利,「通常大家一係就落咗去唔敢向前行,一係就行到尾,但試過有人消失咗一段時間,後尾原來佢對鞋啜住渠底啲泥行得好慢」。A先生提供的5條可行路線中,難度最高的紅磡海濱下水道是最安全,「條渠長一公里,最後要游出海,所以係最安全,但一落到去就預咗要游水,相等於游8個塘,體力差少少都唔得,會有船喺海中心接應,最後得一至兩人用呢條渠。」

理大解封後,Telegram群組沒有解散,他稱若整個行動配合得好,料有百多人能脫險,惟他聽聞有其他爬渠人士被警方截獲或失蹤,「個群組無解散到,大家之後都係傾閒偈同講吓新聞,但如果一有咩要幫手大家都會互相幫忙。」

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads