2017年8月12日
罹患肺癌後首次公開露面的支聯會主席何俊仁對事件感驚訝,形容行兇嚴重程度對比林子健的行動是不成比例地大;他指難以判斷背後勢力誰屬,但據其經驗不似是北京做法,質疑內地政府鬥爭延伸香港。
何俊仁形容「個感覺係好似想做一啲嘢,然後就等佢(林子健)公開,但係咪同呢件事有關呢,唔似係咁樣。」他批評兇徒手法粗暴,「毫無疑問來自內地,感覺亦是來自強力部門」,但是否代表政府則不得而知。
「摸不着頭腦搞緊咩」
他感覺現時內地政治非常混亂,很擔心複雜情況「甚至可能係鬥爭……有啲嘢係延伸到香港,然後攞香港做磨心。」他強調事件不會阻止支聯會行動,包括繼續爭取劉霞獲釋。
何俊仁指虐待「係痛,但唔會好傷,個意思係要畀你哋睇到。」以增加其言論的可信性,並認為對方必然猜到他們會召開記者會,「因大家知道,開咗記者會一定安全過唔開,呢個係常識嚟。」
不過,他坦言實在「摸不着頭腦究竟搞緊咩」,認為若涉及劉曉波事件亦毋須如此恐嚇,因自諾貝爾和平獎得主劉曉波逝世後,其妻劉霞雖未知會否出國,但亦相信對當局壓力不大;而支聯會早前於中聯辦靜坐十多日、舉行燭光集會及遊行等,如對方意欲恐嚇,以往亦有很多機會。
放大圖片 / 顯示原圖
訂戶登入
下一篇: | DQ四議員一連三天街頭籌款 |
上一篇: | 最年輕創黨成員 曾患抑鬱及癌 |