熱門:

2015年2月27日

方卓如 方如玉帥

將來董事買股票係壞消息

我哋要好好珍惜而家仲可以聽到超人發表咁多評論,而家環顧香港,直情冇人可以企出嚟講嘢會有人想聽,更加唔使講話信得過佢會夠膽講啲真話,而唔係擦鞋說話。有class嘅人喺香港愈來愈少,代表呢個城市嘅class都一直走下坡,坎唔坎坷?

超人講細價樓,其實都係嗰句,呢個世界都係講供求。而家啲人錢唔多,貴價樓畀稅多一大截,見咁耐樓價都唔跌,錢又愈印愈多,明知三四百呎嘅樓咁嘅價錢係瘋狂,你叫市民又可以點做?個個爭住買,供應唔多,自然價錢彈升。辣招嘅後果就係谷起咗細價樓,但減少咗豪宅成交。超人都係嗰句,負擔到就唔怕買。梗係咁講啦,你唔買都要租啦,又唔見得租樓會平咗,你雙親自己層樓供斷咗,再按咪借首期畀你。

所以叫負擔到嘅買樓永遠冇錯,言外之意係你買咗到時樓價跌,供唔起,係你負擔唔到啫。咁保險嘅說話,解讀為看好看淡都得,咁多年嚟都係呢個標準答案。

日日諗辦法增值

反而,超人話22個月冇買過長和股票,咁就有意思喇。

之前公布重組時,有分析說超人好耐冇增持,而家又重組,仲唔係睇淡香港經濟、要遷冊?佢昨天嘅講法就係答案:「我不斷有活動,我都唔敢買,萬一有什麼差池,咪好大件事?」即係話,如果你係負責任嘅董事,日日為股東諗辦法增值,咁你就要疊埋心水,唔好諗要買股票。

呢樣嘢對所有上市公司董事都有啟示,以後董事買股票,已經唔再係利好消息,表示董事對公司有信心,反而係壞消息,表示董事沒有任何增值活動正在為股東進行,否則點可以買股票?超人為董事買股票設下了新框架,呢樣先係昨天記者會最有新意的地方。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads