熱門:

2015年1月16日

方卓如 方如玉帥

政府迫良為商

你話喺香港生存幾咁辛苦,五歲小童已經識得問嗰個人「我第時大個住邊?」諗番起以前我哋𡃁仔嘅時候,邊有住邊呢個諗法,更加冇將來呢個概念。每日去玩呀,俾阿媽打呀,返屋企食飯瞓覺呀,每日都渾渾噩噩咁就過咗。而家啲五歲𡃁仔唔單止識諗,仲識得走去問嗰個人,搵佢算賬。嗰個人已經冇落區好耐,去邊度走咗個咁精乖嘅𡃁仔出嚟,手法低處未見低。

停投資移民 好多人要轉行

噚日份報告有本事辣㷫全世界人,可算是破了世界紀錄。乜嘢人係最唔理社會事務,雙眼只係睇到錢,合晒最高領袖嘅主觀願望?咪就係搞投資嘅人囉。

佢哋心入面可能有政見,但一定唔會同錢鬥氣。你睇逢星期五六,嗰班喺中環吃喝玩樂嘅人,佔中對佢哋嚟講,只係一個話題,與SpaceX上太空差唔多level。

今次一刀剁咗投資移民,就真係將呢班離地中產拉番落地。一年幾百億真金白銀唔見咗,喺「滬港通」證明對港股助力唔大嘅時候,仲冇埋一條大水喉。咪以為1000萬通常買啲唔多郁嘅債券,對港股支持唔大。

以香港人嘅聰明智慧,真係有本事將呢區區1000萬變成唔同嘅商機。今次唔係話改變咗要「才」唔要「財」嘅政策咁簡單,直情係改變咗香港金融業嘅生態,好多人會冇飯開,甚至要轉行。

轉咩行?我拍檔同我講,有次佢去麥當勞道,同個美人搖骰仔鬥快計數(冇錯,我拍檔好鍾意計數),竟然一鋪都贏唔到。我拍檔好奇,有啲咁嘅天才兒童要返麥當勞道?原來美人唔單止大學畢業,本來仲係做工商舖嘅經紀。點知雙辣招一出,無得做,咁就轉行。

今次政府斬咗投資移民,又有一批人要轉行,你話政府係咪迫良為商?

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads