熱門:

2014年12月2日

方卓如 方如玉帥

香港最弊冇人

而家個個諗緊如何在後佔領時代將而家市民嘅醒覺帶入社區,其實唔使點諗,將佢帶入選舉就係最佳方法。每逢有大事發生,之後嘅選舉就會發生質變,七一遊行就係好例子。

上次七一之後引發年輕中產參政現象,今次佔領引發的是更嫩口嘅青少年帶領社會運動。佢哋如果變晒選民,莫講話集中投邊個邊個都贏,自己走出嚟選都仲得。

早前睇報紙有人話,學生唔敢得罪泛民議員,因為佢哋將來唯一出路係做佢哋嘅議員助理。笑鬼死人,佢哋使鬼做議員助理,做議員都仲得,倒番轉頭分分鐘班議員反而選唔到。

問題唔係青少年唔肯登記做選民,或者登記咗將來都唔投票,最大問題係冇人畀佢哋選。建制有一個最大強項,就係排隊想坐正嘅人多到不得了,排隊嗰條龍長到唔見龍尾。一個議員表現唔對路,下屆就即刻換第二個頂上。

首投族唔buy民主派議員

但另一邊人才凋零,表現不濟的話,退落嚟就等如讓出席位。香港啲首投族,肯定唔buy而家啲民主派議員,buy就唔會運動群龍無首,議員本來就應該係最順理成章嘅帶頭人。

首投族唔buy而家啲議員,有冇足夠佢哋buy嘅人出嚟畀佢哋選?無嘅話,咪又即係重複番而家嘅亂局,就係無得用文明選舉嘅方法,將啲民怨帶入去建制理性解決。再加上政府唔正面處理咁形而上、唔係因為物質缺乏而引起嘅不滿,除咗隔一陣又出嚟衝一陣,邊有第二條路行?

成個香港冇人先係最弊嘅地方,人才凋零到咁嘅地步,呢樣嘢先係死症。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads