熱門:

2014年6月16日

方卓如 方如玉帥

議會入面暴力過出面

一邊話冇再推港人港地的需要,一邊又要攞錢喺東北起樓,唔知邊句先真。政府最近做事透明度高咗好多,值得一讚,近期又一成功例子。你知香港人幾咁馴良,最怕畀人話激,有飯食有波睇就乜事都冇,扮睇唔到。

三個字 官迫民反

但係政府施政透明,讓大家明白暴力有明有暗,議會特權暴力是要直行直過,唔容許異見多講。吳亮星暴力要求終止辯論,仲暴力過暴力衝入立法會。呃唔到人,連平日不問世事的師奶,睇完電視,都要話三個字:官迫民反。

政府一邊大力推東北攞錢,一邊電視全程跟進地產商點樣畀錢,你叫畀人又遷又拆的居民,點會肯畀你留低高爾夫球場打波,坐喺冷氣房搞佢哋屋企?而家手機拍片太容易,要知真相實情,上網就得。如果香港人仲掛住睇波唔出聲,遲早有日連上網都禁埋你,到時你就知乜嘢叫暴力。

守龍門 輸波賴你

踢波選擇打龍門嗰個,該是最蠢嗰個。贏波唔關你事,輸波一定賴你。成隊波廿三人,其中廿個有輪流出場機會,但三個龍門,得一個有得打,其餘兩個全程睇波,可能窮一世都冇機會出場。

卡斯拿斯失五球,一球拉莫斯裝雲佩斯越位失敗,畀佢飛頂入金球;一球拉莫斯擦到洛賓射球,唧高令卡斯拿斯失守;一球拉莫斯在雲佩斯面前大腳回傳卡斯拿斯,又讓龍門出醜;一球拉莫斯作為中堅,冇頂住雲佩斯衝龍門;最後一球仲絕,拉莫斯追洛賓單刀,叫卡斯拿斯出迎,自己追追吓走咗去守龍門,讓洛賓表現扭過龍門狂抽射球。要毀掉一個人非常容易,叫佢守龍門,隨時可以令佢永無翻身。

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads