2022年2月23日
俄烏局勢突升級,美股期貨急挫,港股跟隨大跌。恒指周二低開477點,早市跌幅擴大至833點,下午反覆靠穩,全日收市瀉650點,報23520點,大市成交總額1469億元。
港股昨日大幅低開,顯然是市場對俄方行動全無準備,恐慌止蝕沽盤在早市大量出籠,這是相當奇怪,唔通市場集體錯判?日線圖恒指跌穿50天線及上月尾低位,上方平均線向下發展,都是不利訊號,短線卻有機會出現技術反彈,50天線或由支持變成阻力,反彈後抽完再跌。
阿里再試底 美團沽壓重
個別股份方面,騰訊(00700)顯然係超跌,昨市低開高收,橫行區低位守得住,短線睇反彈。阿里巴巴(09988)剛再次試底,圖表差得多,相比騰訊更唔值得博反彈,兩股以往叮噹馬頭,現在各走各路,騰訊應可持續跑贏阿里。美團(03690)大陰燭急跌後全無反彈力,上方沽壓重重,不宜留戀了。
恒生銀行(00011)公布業績差過預期,股價大瀉一成,此前參與買賣相關衍生工具,已經發現股票成交不足,日中走勢飄忽,引伸極唔穩定,幸好手上無倉,亦唔會再玩。滙控(00005)在銀行股中比較大路,升跌有根有據,中銀香港(02388)都可留意短線入市機會。
內房股有減息及增貸款消息支持,但只係某幾隻內房特別勁,大路股可Call華潤置地(01109)及中海外(00688),有升幅兼夠穩陣,其他民企內房好個別,唔敢買財困股可以揀最大隻的國企,但炒民企隨時爆升,有更大炒上空間。
石油股及金屬能源股亦係個別,石油股竟然呢個環境下都炒唔起,上周的見頂沽貨潮仍然有很大威嚇力。中國鋁業(02600)圖表超靚,可以小注Call【圖】。
放大圖片 / 顯示原圖
訂戶登入
下一篇: | 標指失守250天線 平保死叉向淡 |
上一篇: | 資金避險 日圓上望108水平 |