熱門:

2021年10月18日

高仁 財圈識真假

「B仔」取道SPAC上市惹監管關注

各位「巴打」,港交所(00388)正在展開引入特殊目的收購公司(Special Purpose Acquisition Company, SPAC)上市機制的諮詢,一如既往以偏向「大辣」行先,最終總結可能會比較「鬆手」。雖然港交所會否落實推行SPAC尚未可料,中國證監會已關注到SPAC模式對傳統IPO有顛覆性挑戰,尤其是不少「B仔」(未有盈利的生物科技股簡稱為B股)及醫藥企業均對SPAC上市感到興趣。

施友化:本港SPAC上市機制諮詢進行得如火如荼,如果真係成事嘅話,生物科技和醫藥企業又可以多一個上市途徑。

戴孤劃:(居然用廣東話)點解嘅?

高 仁:今年以來,本港已有超過20間生物科技、醫藥、醫療相關企業上市,雖然呢個sector嘅新股最近股價表現有所回落,但仍足以印證生物醫藥企業來港上市嘅熱潮。

施友化:除咗香港上市之外,生科醫藥企業亦鍾意透過與SPAC合併形式上市,以今年迄今全球通過SPAC併購完成上市公司計,該板塊企業佔總數目約17.4%,位列第三位。真係唔錯呀!

戴孤劃:沒錯,我也聽說不少內地生科醫藥企業對SPAC上市都感到興趣。

高 仁:當SPAC愈來愈受歡迎,內地監管機構又開始緊張起來,中證監主席易會滿近日在世界交易所聯合會上指出,部分境外市場通過SPAC的上市融資活動大幅增加,直接上市等新方式會對傳統的IPO模式形成顛覆性挑戰,也會引發新問題。

憂對傳統IPO有顛覆性挑戰

施友化:個人而言,我就覺得SPAC和生科醫藥企業係天作之合。SPAC作為一家「現金殼股公司」,有現金但無業務和資產,上市後可以利用兩年時間,去搵高增長嘅企業做併購。生科醫藥企業嘅業務可能具備優厚發展潛力,但可能缺乏融資管道而苦無資金。

戴孤劃:生科醫藥企業搞科研,除解決生存的壓力,引進新產品也需資金,搞上市都沒錯。

施友化:其實,中證監關注生科醫藥企業可能取道SPAC模式上市,一來係部分企業未有盈利甚至收益,未來一段時間嘅業績都可能持續虧損,當局可能都係想保障小股東嘅權益;二來係生科醫藥行業嘅競爭愈來愈大,當局可能希望確保企業有足夠嘅產品研發能力和技術壁壘。

高 仁:港交所今次就引入SPAC上市機制展開諮詢,各位「巴打」無論如何都應該積極給予寶貴嘅意見,好讓當局了解到市場人士嘅真正想法,否則屆時推出「大辣」就好惡啃㗎啦。哈哈!本欄逢周一刊出

如想與高仁交流上市公司的財技個案及招數,請電郵至 [email protected]

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads