2021年10月7日
在金融及科技股帶動下,道指周二大幅反彈逾300點,納指也升超過1%。港股昨天高開低走,因美股期貨下挫,市場預期美股彈完又跌。恒指高開155點後隨即掉頭向下,最多挫近300點,午後一度跌幅收窄,但尾市又再轉弱,恒指收跌137點,報23966點,全日成交額1039億元。
港股周二唔跟美股跌,昨天唔跟美股升,又係超前反映預期,呢種單日轉向再轉向市況,估計會繼續出現,因跌到落呢啲位,好難再一條線直落向下,每日牛皮橫行,都唔夠波幅比炒家入場。日線圖恒指似在組織整固平台,高位暫時難越10天線,低位暫時又未必破底,靠每日擴大波幅炒上落。
滙控(00005)大陽燭破位向上,跟足美國銀行股表現,若非有滙控頂住指數,昨天大市理應跌二三百點,市底其實算差,很多熱門股無故下跌。油股係例外,因油價節節上升,中海油(00883)大陽燭破頂,中石油(00857)亦破頂向上,兩隻油股一定要有,且要適當時候增持。
融創未脫險 恐再現跌浪
弱勢股主要都係一堆科技股及內房股,尤其後者,當下風險非常高。騰訊(00700)上方平均線阻力重重,若跌穿442元,將突破向下;阿里巴巴(09988)低位有反彈,此股已成價值股,跌得低就有反彈,不過唔足以支持轉勢,個人傾向續逢高Put。
內房股華潤置地(01109)及中海外(00688)都守住低位平均線支持,10天線正在急升,圖表係中性偏強,都可以伺機Call。不過,高風險內房如富力地產(02777)、融創(01918)仍未脫離危險期,尤其融創,萬一跌穿14.74元,會有一輪新跌浪。
訂戶登入
下一篇: | 香港股市上日收市統計 |
上一篇: | 平保低位喘穩可撈入 |