2021年8月27日
監管風暴之後,大數據運用及定價權等核心價值受到破壞,大部分港股只會有得炒無得坐。可是以筆者接觸所見,相當多投資者尚未能接受現實,還是奢望可以用時間補救倉位,打算採取鴕鳥戰術唔理三五七年,希望強勢企業業務自然增長,屆時就會反映在股價之上。
決定股價有兩個因素,分別是公司盈利及估值,相比之下,估值的重要性遠超於盈利水平。看看中移動(00941)及聯想(00992)等迷失股典範,即使今時今日的盈利水平遠超昔日股價高峰,可是市盈率就跌了一大截,長情投資者一樣無得贏,純粹靠收息過住日子。
科網股市盈率必然要大跌,因為以前想像空間無限,掌握數以億計用戶的數據,可以衍生各樣商機,而事實上企業亦驚喜不斷,規模愈做愈大,股價一路水漲船高,於是大部分投資者愈坐愈安心,根本不用費心去打理,股東基礎堅實,就會形成良性循環,提升公司的估值水平。
失去想像空間之後,就要show me the money,變成由核心業務的盈利去支撐,就算環境未變得今日的惡劣,核心業務的增速通常也不會太快,所以估值水平一定不高。
現時中資科網大股明顯以京東(09618)最強,除了契媽加持之外,就是因為估值夠低,又不似阿里巴巴(09988)失去雲業務的憧憬。不過即使受到市場鍾愛,也不要期望京東重演長升長有的場面,投資者心態已經改變,不再相信企業有能力長期放送驚喜,高位一定要食糊。人人諗住炒,股價便勁極有個譜。
鴕鳥戰術多數行不通,上一個十年,有無數銀行股、資源股及電訊股苦主前車之鑑。
股民要繼續玩港股的話,就要有紀律,放下身段去做一個投機者,在高位肯食糊,睇錯又要夠狠斬倉。
不少人嫌貴,認為轉投外圍蝕章,可是當地企業就是有想像空間,以及愉快的股東基礎去頂住估值,除非出現基本面的重大改變,否則會長期偏貴。想貪圖安逸,反而應該和全人類繼續圍爐。
基金持有京東及阿里巴巴
豐盛金融資產管理董事
(編者按:黃國英最新著作《英眼狙擊──迎風破浪》現已發售)
歡迎訂購:實體書、電子書
訂戶登入
下一篇: | 24580點倘失守 恒指續尋底 |
上一篇: | 晶片金屬價高企 汽車股首當其衝 |