2021年2月22日
踏入牛年,高仁謹祝各位「巴打」投資得心應手,在牛年遇上牛市和牛股,總是牛氣沖天!
這些年來,本港的變化可謂非常巨大,除了各中資證券商大舉南下「插旗」外,NDS(高仁註:內地生的普通話拼音聲母)在本港留學或工作也成為潮流。「高仁指點」話你知,這些「港漂」中有部分可能是官二代、富二代,他們在港的漂流記據聞亦相當有趣,值得分享。
高 仁:「巴打」記唔記得我哋舊年差不多同一時間曾經講過,本港的中資證券商與外資證券商已平分春色,前者大多數部門主管或BU(Business Unit)「阿頭」都係「八十後」呀?
戴孤劃:其實,除了之前說的新一代「海歸派」外,現在也有愈來愈多的「港漂」,他們與「北漂」、「上漂」【小檔案】一樣,都是往大城市去找機會的小伙子。
程更計:據我向證券界「巴打」了解,這些「港漂」入得中資投行或大型券商,大部分都可能係官二代、富二代,最主要可能係靠Guanxi(關係)囉。
朝中有人好辦事
高 仁:哈哈!有啲中資投行或大型券商嘅CEO就講笑咁話,佢哋其實唔係做緊CEO嘅角色或職責,而係做緊人哋屋企嘅管家,幫手湊仔,只要達官貴人一個call,佢哋就必須立即趕夜機,到內地一趟面聖。
程更計:當「港漂」到內地單位搶Deal(交易)嘅時候,佢哋仲會帶埋自己阿媽坐鎮,暗示自己咁大個官坐喺度,老總唔係唔識趣支持吓嘛,所以投行過去都好鍾意請官二代幫手。
戴孤劃:「港漂」也可以說是啥的啥的姪女,要求企業有Deal便要給她,老總心想,這倒是國家的資源,還是聘用了國有的大投行,只要政治正確一定沒有錯。
高 仁:而家部分官二代甚至會進駐埋企業做副手,佢哋喺杯酒釋兵權時更會向企業老總暗示,要求現任嘅CEO轉做Deputy CEO,如果現任CEO覺得沒趣,就會索性直接辭職。
戴孤劃:國內有那麼多官二代的利益要照顧,怎麼辦?
程更計:例如,以前喺一間資產管理公司裏面,業務部門會分為一部、二部、三部,總之每個官二代負責其中一部;而家投行可能則會分為直投部、收購合併部、股權融資部等等,睇起上嚟好似好專業咁,但實際上都係做同一樣嘅業務。哈哈!
戴孤劃:但首席執行官(CEO)只得一個,又怎麼辦?
高 仁:哈哈!咁咪不斷開分公司囉,我聽證券界「巴打」講,有一間內地資產管理公司喺香港有7間(係7間)姊妹公司,喺澳門仲有一間。
程更計:勁喎!莫非真係好似7仔咁,總有一間喺左近。
小檔案
港漂(Hong Kong drifter),意思指內地到香港留學或工作的群體,通常是修讀香港大專院校的留學生或專才;在「港漂」一詞出現之前,內地青年離鄉別井到北京漂泊稱為「北漂」、到上海被稱為「上漂」。
本欄逢周一刊出
如想與高仁交流上市公司的財技個案及招數,請電郵至[email protected]。
訂戶登入
下一篇: | 納指新高倒跌 恒指累瀉千點反彈 |
上一篇: | 滬深港通上周五成交統計 |