2020年9月14日
各位「巴打」,高仁已經好耐冇真正欣賞過大台節目,但都知道黃金時段的《愛回家》系列好長壽,理由相信是處境劇最適合一家人食飯時候收看。高仁這次與「豬朋狗友」戴Sir和施友化談到中概股回歸港股新趨勢,並探討它們「愛回家」的理由。
港交所開方便之門
戴孤劃:咱近年經常聽到別人說中概股,究竟中概股是啥呢?
施友化:中概股其實泛指實際業務及資產均在內地而股份卻在海外註冊及上市的企業,尤其是喺美國掛牌嘅一批。
高 仁:中概股回歸近年成為港股其中一個主要焦點,首先與港交所(00388)喺2018年新修訂嘅《上市規則》有關。
施友化:冇錯。港交所落實修訂《上市規則》,包括允許尚未盈利嘅生物科技公司與開放同股不同權嘅上市限制,以及接納業務重心喺大中華地區嘅企業申請來港第二上市,被評為25年以來嘅最大機制改革。
戴孤劃:以上三大舉措吸引很多新經濟及創新企業, 尤其是科技和醫藥公司來港掛牌,確實大大搞旺了港股。
高 仁:其次,以前香港識得評價新經濟公司和創新公司嘅專業人才較少,一般散戶亦都唔識得欣賞,呢類公司唯有遠赴美國上市去爭取較高嘅估值。時移世易,本港投資者對新經濟公司和創新公司認識不斷加深,市場願意給予愈來愈高嘅估值,於是吸引到呢類公司回歸囉。
中美交惡成近因
施友化:另一方面,中美關係近年來顯著轉差,美國參議院5月通過嘅《外國公司問責法案》(Holding Foreign Companies Accountable Act),要求企業向上市公司會計監督管理委員會(PCAOB)證明不是外國政府持有或控股,企業如果連續3年不能通過PCAOB審查,其股份將被禁止在任何美國證券交易所掛牌買賣,相信亦係加速中概股回歸嘅重要因素。
戴孤劃:到底為什麼呢?
高 仁:中概股通常以可變利益實體(Variable Interest Entity, VIE)嘅股權形式營運以便利在外地上市,倘若有關法案落實執行,內地企業有機會因PCAOB查閱其審計資料困難而退市,取而代之或會選擇到本港上市。
施友化:戴Sir,以你大股東角度嚟睇,點解中概股會以香港為回歸首選呢?
戴孤劃:(突然間認真起來)香港和美國都是離岸投資,但本港有地域優勢,內地企業在港上市,可以方便管理層往返。
高 仁:同內地比較,企業喺香港上市始終會獲得較多跨國投行和研究機構嘅cover和報道,可以吸引更多海外投資者。
施友化:仲有,香港作為國際外滙交易中心,可以滿足中概股對外幣集資需求,尤其係美元。
戴孤劃:沒錯,說得真對。
中概股回歸系列.之一
本欄逢周一刊出
如想與高仁交流上市公司的財技個案及招數,請電郵至 [email protected]。
訂戶登入
下一篇: | 辦公室政治,你玩得起? |
上一篇: | 巨塔下的實力與衝突 |