熱門:

2020年5月18日

高仁 財圈識真假

雲遊獨董辭職話太虛

各位「巴打」,道教「神遊太虛」指人的精神到達空寂的境界,後來借用作形容一個人神思馳遠,不專注於目前的事。「高仁指點」話你知,最近雲遊控股(00484)獨立非執行董事(INEDs)同步請辭,提交辭職函件作出批評,內容似乎也太虛了。

戴孤劃:咱們上一次聊中港上市公司董事辭職的理由,真的聽到了他們心底話。

高 仁:人人都知道新冠肺炎病毒係可以人傳人,但各位「巴打」知唔知辭職都可以有高度「傳染性」?

施友化:唔係啩!?

高 仁:哈哈!我之前就係見到有一個case,雲遊控股3個INEDs同一時間辭職。勁唔勁!?

戴孤劃:3個獨董一起離開公司?為什麼?

施友化:呢間公司都幾多是非纏身。去年11月,前主席、首席執行官兼執董李魯一因被內地部門調查而辭任,由前TOM.COM副總裁韓軍接手所有職務。

高 仁:董事會最近的變動更令人側目。韓軍於4月底召開及舉行董事會會議,會上董事會決定委任兩名金融界人士為INEDs,韓軍則辭任主席但留任首席執行官及執董職位,卻引起原先在任的3名INEDs不滿。該3名INEDs兩日後(係兩日後)齊齊「劈炮」,喺提交嘅辭職信中作出批評,並且cc畀聯交所告狀。

戴孤劃:他們批評什麼呢?

施友化:有一個批評,公司委任兩名額外INEDs,可能會影響獨立調查委員會進度;佢認為,公司INEDs嘅數目過多,董事會應削減人數。因為額外INEDs將令情況變得複雜,並將會令日後更加難以繼續履行INED嘅職責。

高 仁:我之前都講過,INEDs作為監督最高行政人員及高級管理層嘅角色,維護上市公司小股東嘅權益,應該係多比少為好。

施友化:所以公司都用咗一個例子去反駁,指港交所(00388)喺12名董事會成員中,就有11名係INEDs。佢提倡僅持最低嘅INEDs人數,此舉僅屬基本水平嘅企業管治。

戴孤劃:嘩!這個獨董的批評也太牽強了吧!

施友化:另一個在任INED反對新INEDs嘅提名推薦建議,原因係其中一名新INED認識公司一名主要股東,以及INEDs唔可以由其他董事建議,似乎想質疑新INEDs嘅獨立性。佢更自豪地告知董事會,佢係經大摩(即「唉賓」界俗稱嘅「毛巾」)提名為INED。

高 仁:公司認為佢嘅投訴完全冇說服力,新INEDs據報亦即時告知呢個在任INED,佢哋已根據上市規則第3.13條簽署獨立性確認書,佢先至願意停止上述投訴。

戴孤劃:咱聽到這裏都已經覺得,雲遊獨董的辭職話也太虛了。

高 仁:(普「東」話,即普通話+廣東話)哈哈!沒錯,沒錯。

董事系列.之四

本欄逢周一刊出

如想與高仁交流上市公司的財技個案及招數,請電郵至[email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads