熱門:

2018年9月6日

方卓如 方如玉帥

期貨帶動現貨

恒生指數收報27243點,跌729點,成交951億。期指更邪,跌777點,成交接近22萬張。股市一潭死水,期指更加好賭。投行入職時,面試會問你究竟係現貨帶動期貨,還是期貨帶動現貨。而家好明顯係主力期貨搵食,尤其是目前股市冇人入市,個個都驚慌留現金,舞高弄低如入無人之境。貿易戰令廠家叫苦連天,叫投資者損手,但trader最開心,最好股災來臨,狠狠地賺鋪勁。

日本關西機場係一個人工島,風暴期間,與世隔絕。以前日本好少打風,但今年日本變成菲律賓,每兩個星期又有風暴侵襲,而且愈吹愈勁,點到你唔信氣候反常?關西機場全面水浸,大橋被油輪撞毁,人工島嘅噩夢全部出現。

香港填海造島千祈咪制

日本過去做事以嚴謹出名,起人工島相信不敢怠慢。用日本工人加日本承建商,應該唔會偷工減料,不容許短樁、沉降、鋸鋼筋嘅情況出現。但打大風係天災,更高級嘅人工島都頂唔住大自然嘅威力。日本建築應該係防震級數,但原來防震唔代表防風,大風都可以吹冧房屋,呢個世界冇嘢係百分百安全。

香港要喺大嶼山隔籬超級填海,填個超級人工島,最好睇睇人哋關西機場發生什麼事。人工島上面係機場的話,可以暫停關閉;如果人工島係起樓,冇可能叫全島疏散。香港都係島,但係天然島,唔會沉,仲有山,穩陣。香港嘅人工島,以香港現在嘅建築水平,超支是必須的,偷工減料是難免的,與設計圖則不符亦是常識來的。有這「三的」,起人工島令人非常擔心。近岸填海造地,由原有土地延伸出去,還可以考慮。海中心起一個島,看見關西機場,相信愈嚟愈多人會反對。土地大辯論,填海變成必須選項。如果填海原來等於造島,請你錄低關西機場目前情況,將來要無限loop引以為戒。

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads