熱門:

2018年9月4日

方卓如 方如玉帥

金融危機係財富轉移機會

2018年還有4個月就過去,但未來兩個月對投資者嚟講應該相當難捱。九月十月係股災同金融危機爆發嘅高危月,10年前金融海嘯就係北京奧運後就嚟料。10年前金融海嘯係由美國開始,燒到全世界;20年前係亞洲國家自己嘅事;30年前就由香港先跌,再到全世界。今年如果又有金融危機,會由邊度開始?是否全世界無一幸免?

過去30年,中國從未試過任何重大金融危機,最嚴重可能係2015年A股暴跌,最後以暴力救市告終。全靠過去中國金融體系封閉,人民幣亦唔可以自由進出同兌換,中國對世界金融危機係免疫。今時今日,中國金融市場仲未全面開放,但國際金融風險嘅exposure係歷史最高。上市公司數目係有史以來最多,美元債又係歷史高位,就算今次金融風暴起點不在中國,中國都好難絲毫無損。中央政府成日話要防範金融危機,並唔係危言聳聽。

金融危機並非平均地影響每個國家同每個市民,有國家可以受惠金融危機,更加有人可以因金融危機致富。委內瑞拉而家窮到極點,但軍人冇受影響,總統依然豐衣足食。10年前金融海嘯,股神低位撈底入股高盛,佢而家比10年前海嘯前更加富有。有理由相信,如果今年爆發金融危機,美國就算股票冧市,只會有更多錢湧入美國買美股。全世界貨幣同債券冧市,更多嘅錢會湧入買美元同美債。有更多子彈在手,美國可以四出向冧市國家收購資產。有理由相信,美國唔介意再來一次金融危機,每次金融危機都係財富轉移嘅機會,今次好大可能係轉到美國口袋。

是否再有金融危機,兩個月內見真章。做好功課,留現金在手,一於憑今次賺夠錢買樓。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads