熱門:

2018年7月17日

方卓如 方如玉帥

同股不同權對國家有利

就算無烏龍球,無十二碼,法國都應該贏到世界盃。唔係因為佢哋好波,始終好運好過好波,法國射兩腳就入兩球,克羅地亞咁多人喺禁區頂都擋唔到,普巴仲係先射右腳再射左腳。點射都入,克羅地亞輸都無辦法。克羅地亞條線,牌面上本來係阿根廷,只係成隊波唔爭氣,讓克羅地亞捱吓捱吓入決賽。呢啲臨場唔爭氣嘅事情,搞到投資銀行估世界盃冠軍錯到離晒譜。

股票都係,牌面以為贏嘅,實際落場炒就可能係兩回事。萬事都要有準備,千祈唔好瞓身,尤其而家唔到你理性分析。

李小加講得好清楚,北水唔買得「同股不同權」,是滬深交易所嘅主意,中證監看大局,睇法會唔一樣,所以今個星期佢會去北京講數。市場估計北水遲早都可以買「同股不同權」嘅股份,所以小米(01810)股價跌近一成之後都回身反彈。

只要用腦諗清楚,「同股不同權」公司在香港上市,對國家百利而無一害。以小米為例,如果佢唔喺香港上市,佢會走去邊度?咪學阿里巴巴一樣走去美國。到時任何資本增長,中國人完全享受唔到。而且,在美國上市,正如人質在美國手上,將來唔使打貿易戰,只係美國證監會話要調查,已經可以玩殘中國公司。如果要你提交營運或交易紀錄,等於把中國人嘅資料交畀美國人。幸好騰訊(00700)係香港上市公司,否則微信資料要交畀美國證監會調查,等於全國人民嘅對話要畀美國人過目。單是留低小米在中國境內,已經係對國家一大功勞。

小米太貴,唔能夠在中國預託證券(CDR)上市,但在香港就掂行掂過,中門大開。自從納入指數股之後,股價直逼招股價上限,證明在供求關係之下,小米上限價都有人要買。

香港始終提供咗一條上市出路畀呢類新經濟公司,否則佢哋喺風投基金辛辣條件下,上唔到市等於執笠。內地股民要受保護,太貴嘅股票會推冧市。香港市場容量則大好多,更貴嘅股票都食得起。「同股不同權」有國家任務,有存在價值。

至於是否容許內地股民參與,視乎呢類股票係益公司還是益股民。牌面睇,係益公司,恐怕北水短期內都未必可以買「同股不同權」嘅股份。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads