熱門:

2018年6月15日

方卓如 方如玉帥

揸重現金嘅時候

世界盃終於開鑼,俄羅斯是受制裁國家,故今屆是最冇氣氛嘅一屆,唔見大賣廣告。美國叫球迷連手機都唔好帶去俄羅斯,以免遭駭客入侵,可見這個主辦國在西方世界眼中是多麼生人勿近。本來這屆世界盃是近年最有睇頭嘅一屆,但由俄羅斯主辦就變成浪費了。

C朗同美斯大概踢完今屆都要收工,兩個人只有一個有機會捧盃,至少一個球王唔能夠帶領國家隊完成任務。巴西上屆主場輸過七個一皮,估唔到4年之後嘅巴西隊又變成粒粒皆星,再次成為大熱門。西班牙、法國、比利時,隊中有大量當打球員,又係有機會殺入決賽。

咁嘅戲碼,仲唔係最刺激嘅一屆?換着以前,Nike同百事仲唔乘機拍條兩分鐘嘅廣告,全部球星上陣,播完又播?今屆完全冇,直情是一屆低調世界盃。

美國聯儲局加息,今年仲要加多兩次,美國債券嘅孳息曲線愈嚟愈平,顯示市場認為未來經濟並不理想。年底加完兩次息後,股市仲會唔會維持於現時水平?

市場人士都係讀同一套經濟理論,大家都係睇同一部Bloomberg機,每個人諗緊乜,基本上近似。如果市場係反映大家嘅共識,究竟而家係反應慢,還是大家有新睇法?又或者有唔同觀點?市場而家已經唔係由人為控制,好多時係由機器操作。

機器同人腦比較,是否令市場反映唔到人類嘅睇法?2017年好多人睇唔通市,未必賺到全年升幅,但2018年可能更難睇,完全唔知點解市場應跌唔跌。人腦有極限,股票市場最講思考,又要求反應,當你睇唔通嘅時候,正如前輩所講:「有懷疑,揸現金」,現在是揸重現金嘅時候。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads