熱門:

2018年5月23日

方卓如 方如玉帥

冇價值唔等於冇價錢

中美貿易戰轉眼就停戰,市場反應興奮;但貿易戰停戰,理論上應該是美國開心,中國不開心,因為讓步嘅係中國,唔係美國。至於中國如何讓步,沒有向外公布詳情,一般相信唔會係雙贏,牌面上必定係美國佔優,令美國收貨。

惟貿易係市場行為,市場開放,唔代表你一定可以佔有市場。蘋果手機可以打入中國市場,市場佔有率仲低過小米。中國以後要多買美國貨,但買什麼,買多久,對中國企業是好是壞,股價應該係升定跌,目前還未清楚。

Bitcoin成幣圈裏的黃金

昨天是Bitcoin發燒友都會談論嘅一日,8年前有人用一萬個Bitcoin買咗兩塊pizza。今年同一日,我在台灣聽傳聞是中本聰嘅Craig Wright演講。聽完佢說話之後,你會懷疑佢是否中本聰,因為佢絕對唔似寫得出那份白皮書的人。

白皮書第一句就話Bitcoin係電子貨幣,區塊鏈解決嘅係double spending嘅問題,同一張現金在手你唔可以使用兩次。但除了這個特別之外,Bitcoin更似黃金而並非貨幣。貨幣供應要同發行國家嘅經濟規模相對應,法定貨幣如果唔能夠人為操控供應,就沒有貨幣政策,就不能調控國家經濟。Bitcoin絕對沒有調控經濟嘅原意,買pizza都只是兩個年輕人在chat room上面一個半開玩笑嘅壯舉。只係今時今日,虛擬貨幣炒賣變成熱潮,最具歷史同發行量最少嘅Bitcoin,就變成了幣圈的黃金,價值來自幣圈嘅共識。

好多人話虛擬貨幣冇價值,但冇價值嘅東西唔代表冇價錢。專門炒賣或套戥虛擬貨幣嘅炒家,一個月嘅回報率肯定勝過炒股票。虛擬貨幣係零和遊戲,但係金融市場大部分都一樣。虛擬貨幣只係提供了另外一件賭具。

現在虛擬貨幣投機嘅生態圈正在形成,你最佳嘅策略係小注參與一份,唔單止參與買賣,參與整個幣圈環境,咁你先可以找到商機。聽過Craig Wright說話之後,你應該對進入幣圈充滿信心。他都可以,你一定得。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads