熱門:

2018年4月12日

方卓如 方如玉帥

港股A股化還是A股港股化?

恒生指數昨天收報30897點,升168點,成交額1329億元。友邦(01299)升3.2元,貢獻恒指124點,加上滙控(00005)貢獻22點,基本上大市升勢由兩隻股票搞掂晒。貿易戰睇怕打唔成,這是市場共識,也睇唔到未來有其他重大利好消息,趁早幾日跌落嚟撈底嘅投資者,要有心理準備是長期投資。

互聯互通每日額度將會加碼,今年還會有「滬倫通」,大家應該看到呢類互通主要係引入資金買A股,而非主力讓資金往外買港股、英股。雖然外資買A股嘅比例依然很小,但長遠而言A股唔再單純係本地股民炒股賺快錢嘅地方。那些日日漲停板,炒到P⁄E幾百倍嘅樂園,當外資增加參與之後,好快就會現形。情況就如港股,邊隻炒到幾百億市值,邊隻盤生意就唔夠扎實,外資機構自然出聲招呼你。所以,互聯互通唔單止係有新錢去買股票,股票嘅質量同股價嘅表現都會有改變。

未來係港股A股化還是A股港股化?以前成日話港股A股化,如果A股市場愈嚟愈開放,愈嚟愈多外資參與,佢又唔可以再係以前咁高度控制同保護嘅市場?

假如安邦係上市公司,仲可唔可以突然捉咗董事長之後,中國銀保監會空降人員接管生意?仲可唔可以由政府打本逾600億元人民幣支持公司?多咗外資參與,遊戲規則難免要與世界慣例睇齊,A股港股化或國際化在所難免。究竟未來是否「錢就接受,玩法照舊」?還是A股變成一個成熟自由嘅投資市場?以目前世界變化嘅速度,不出5年就會有答案。

如果A股港股化,港股就要搵新出路,「滬倫通」都有,咁「滬港通」就唔再係獨門生意。加上大型股票回歸發CDR,香港嘅股票市場要諗諗自身價值。如果連香港獨有價值的股票市場都唔見埋,香港就真係冇晒價值。

做人做生意都要居安思危,萬一你身處嘅城市唔再有價值,你要考慮資產配置如何保護價值。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads