熱門:

2018年3月19日

方卓如 方如玉帥

掌握能夠改變命運嘅知識

李首富一如所料,宣布即將退休,全球關注。記者算做還可以,在記者會上都問到點事情,不至於錯過了最後機會。

首富唔想出自傳,怕講真話得罪人,但其實咁多位高權重嘅政要同商界領袖,出自傳都識得避重就輕,唔只避免得罪人,仲要以防洩露國家機密。既然市面上咁多自傳都無反效果,首富好應該出自傳,作為後世嘅啟發,亦為歷史留個見證。如果未來佢件戰衣係着重教育,沒有任何事情較佢嘅奮鬥故事更能夠教育下一代。希望佢回心轉意,千祈唔好令歷史石沉大海。

真正問出首富嘅本事,要由公司同事問出。如果長江(00001)上市揸股票直到今天,連股息回報有1500倍;假如將股息再買長江股票,回報5000倍。留意,股息再買股票是典型教科書用嚟強調複利嘅威力,但實際世界你係做唔到,因為股票你唔可以一股一股買,要一手一手買,收那一點點的股息,隨時唔夠你買一股,何況一手?除非你是大戶,手持大量股票,先有本錢用股息加碼。否則,複利嘅威力對散戶嚟講只係理論層面。

1972年到而家賺1500倍係好厲害,但2009年揸Bitcoin到而家係賺超過10000倍,快過長江長情股東。1972年,首富44歲,馬化騰1歲;2017年,《福布斯》富豪榜,馬化騰排名仲高過首富,所以首富講得好啱,今日年輕人嘅機會,係比佢嘅年代更多。知識改變命運,問題係你是否掌握能夠改變命運嘅知識。

終於記者問出問題讓首富表達敬意。如果佢手中有票,佢都支持習主席長久執政。其他人鬼鬼祟祟,話刪去國家主席連任上限唔代表長期執政,首富就敢當面說明,習主席長久執政都支持,霸氣過男朋友冇樓就叫港女趁後生搵過第二個。富不與官鬥,強如首富,都知道世界上錢並非萬能,並不以人們意志為轉移,要知進退。

習主席宣誓新一屆國家主席,是經過精心設計。由手按憲法,鏡頭轉到右手高舉拳頭,畫面上在國徽下一字一句讀出,唔係偶然出現。全票當選,再嚟一場瑞雪,成個過程,係5年嚟努力嘅成果。中國過去20年都是集體領導,習主席用了5年時間,就可以令全黨以至首富都支持佢長期執政,政治能量驚人。

仁慈嘅獨裁最有效率,未來中國肯定繼續強大。如果獨裁唔得仁慈,就會變成北韓。咪以為有票投嘅國家就唔獨裁,你睇新加坡同俄羅斯?假民主嘅獨裁國家,同真獨裁嘅國家,我寧願揀後者,因為你唔會被誤導而身陷險境。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads