2018年3月9日
介紹咗幾個星期輪證101,大家可能已經對基本概念略知一二,但香港有上萬隻輪證,點樣先可以揀選合適的窩輪呢?
大家可能對牛熊證比較熟悉,因為變數相對較少,揀方向同收回水平已大約知道一隻牛熊證適唔適合。但係窩輪唔同,有分價內價外,亦有唔同年期,加上引伸波幅,同埋不同之發行商,真係有時連專家都唔知揀邊隻好。
首先,揀窩輪並無絕對的好與壞,每個投資者嘅投資習慣唔一樣,想承受的風險亦唔一樣,有部分投資者專揀「末日輪」,貪槓桿大,但風險大,預咗可能輸多贏少,但佢哋可能只係以好少嘅本錢買賣,輸贏都係幾千上落,但如果有新手唔識,以上萬元買「末日輪」,咁當然危險啦。
所以,市場上有好多不同類型嘅窩輪供投資者買賣,條款不一,新人切忌未清楚窩輪怎操作便大手買入,承受不必要風險。法巴網頁內有獨有的法證評分,以價外程度、年期、買賣差價、街貨量四大客觀因素判斷窩輪條款,新手可考慮先以此作起點,揀選合適之窩輪,更重要是避免一些高風險之產品,以免招致無謂損失。
對窩輪略有認識者,更可參考窩輪對沖值(Delta)。一般對沖值為0%至100%,太高或太低亦不適合,一般以35%至65%會較合理。對沖值的好處是已考慮該相關資產之引伸波幅,因此無論是低波幅的ETF或高波幅的科技股也適合參考。
〈窩輪牛熊101〉.之四
法國巴黎銀行上市衍生產品部執行董事
筆者為香港金融管理局之持牌人士,以上純為筆者之個人意見,並不代表法國巴黎銀行香港分行及其聯屬公司。筆者並無持有上述之股份。結構性產品並無抵押品,如發行人或擔保人無力償債或違約,投資者可能無法收回部分或全部應收款項。結構性產品價格可急升或急跌,投資者或會蒙受全盤損失。投資者購買時,所依賴的是發行人及擔保人的信譽。有關資產過往表現並不反映將來表現。本資料並不構成任何建議、邀請、要約或游說買賣結構性產品。投資者應仔細查閱結構性產品之相關風險及自行評估風險,並在有需要時諮詢專業意見。
訂戶登入
下一篇: | 保持親風險 適當做對沖 |
上一篇: | 港美股市(2)浪波動 國指形成下降通道 |