熱門:

2018年2月21日

方卓如 方如玉帥

找尋成功人生嘅新定義

滙控(00005)業績不似預期,又無回購計劃,令大市在狗年第一個交易日要倒跌收市。一天嘅成績唔可以定生死,但嚟緊嘅業績期可能會令大家重新估計而家大市水平是否炒過龍。美國繼減稅之後,第二波增加政府開支接着出籠,今個星期美國財政部會有2580億美元的國債拍賣,究竟要幾多利息先至賣得晒?

美國不斷舉債,從來無諗過要還,一直享受緊美國人沒有出力獲取、屬於別國嘅資源。你去睇吓美國超市就知,一片浪費地球資源嘅景象。如果希臘要為自己嘅債務埋單,點解美國人可以長期賒數?下一次金融危機必定會發生,因為推倒重來,百廢待興,從來都係借錢唔還嘅招數。全世界都唔敢逼美國還錢,因為逼債仔上絕路,未必對債主有着數。

港交所(00388)行政總裁講明以後上市公司嘅性質會出現改變,更多新經濟公司會上市。傳統港資公司,尤其係細價股,將會面對更大競爭。做生意從來唔係香港人強項,炒賣先係港人本領,係百年買辦基因遺傳至今。要靠做生意將上市公司做大做強,除咗本地地產之外,就係做廠。如果香港人連炒股票嘅唯一財路都被趕絕,唔知仲可以靠什麼發達。新經濟公司係最好炒嘅公司,比眼科更好炒,升三四倍都能夠站得住腳。未來港股唔單止交投活躍,炒得更勁,先係真正大時代。

香港人近10年先嘗到真正競爭,做任何事都要係世界級先能夠發達,否則唔止平庸一世,勉強餬口,仲隨時提心吊膽被人淘汰。上市都要做到眼科咁有特色,先可以長炒長有,否則只會係上市第二日打回原形,第三日走去押股借錢。如果有小朋友,唔知應該教佢努力讀書搵份工,還是自細培養創業本領,又或者找門手藝運動鑽研,三者都係辛苦路。

讀書搵工,而家都可以預計到不單只無發達,仲有機會長期失業,生活坎坷。只係讀書係未來最舒服嘅路,至少畀佢玩到21歲,有21年無憂無慮的日子過,最後3年仲係玩到喪。

培養創業,可能令佢一世都唔能夠腳踏實地,永遠追求夢想,博唔中嘅,隨時得個抑鬱症,咁就一世。找門手藝運動,小朋友嘅童年就在訓練中度過。有幸成功,要在盛年退役,往後日子將會好難過,唔成功仲慘,隨時變成街頭賣藝,到時恨你一世。

世界變得太快,資源過分集中在少數人之手,下一代要找尋成功人生嘅新定義,唔可以再跟隨我們這一代嘅價值觀。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads