熱門:

2018年1月18日

方卓如 方如玉帥

職業投資者先有得贏

股市其實冇乜好講,你買任何一隻藍籌股,一定贏。問題係,而家升到咁,冇貨你又唔敢買,有貨你又唔會沽,細價股你又唔會炒,會炒嘅希瑪眼科醫療(03309)你又唔為意,試問幾多人喺呢段大牛市真正有錢落袋?只會係幫人管錢焗買嘅,同埋一直夠膽炒來炒去嘅。即係話,而家股市贏錢嘅,係職業投資者。

美股不停升,係建基於稅改之後,企業盈利有憧憬,同資金回流美國。事實同預期是否一致,今年內就知,所以美股升得有道理還是升過龍,好快見真章。香港股市升唔停,係因為北水,同股不同權,未來炒個不亦樂乎。還有一項,H股全流通,香港嘅股市又會唔同晒。

香港對中國最大同唯一嘅好處,股票市場終於發揮作用。可見未來,香港股市係旺到你唔信。股市保持旺勢,樓市係唔會掉頭向下。你可以思想上居安思危,以防股市樓市向下調整,但行動上你要夠膽落注股市,唔買騰訊(00700)都買港交所(00388),除非你四大皆空,對財富增長冇感覺,不過你就唔會睇呢份報紙。

股市狂升,但Crypto狂跌。Bitcoin同Ether近日跌咗一半。好虛嘅加密貨幣跌,但好實嘅加密貨幣會陸續登場。柯達同Telegram計劃發行自己嘅加密貨幣,有實際產品嘅項目,會陸續用加密貨幣形式收錢。有實際用途嘅加密貨幣,就唔係純炒作,係有用途。

今年股市大旺之餘,你仲會見到加密貨幣推向現實世界。你可以當而家市面上嘅加密貨幣係熱身,讓大家知道什麼是private key,什麼是public key。知道如何用cold storage(冷藏器),如何用網上錢包轉錢。

Bitcoin同Ether大上大落,南韓、中國要禁止加密貨幣買賣,但人類已經開始接觸呢樣產品,開始信佢嘅運作,見到佢如何解除以往傳統金融機構嘅束縛,改善了的加密貨幣,今年會相繼推出。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads