熱門:

2017年10月23日

方卓如 方如玉帥

千祈唔好拯救地球

人工智能發展到可以自學成功,成為近幾日話題。《經濟學人》寫到,最新版AlphaGo完全唔向人類棋局學習,寧願自己開始嘅時候跟住棋例亂嚟,但係自學成功嘅AlphaGo Zero,用3日時間已經可以捉贏上一代AlphaGo,然後仲連贏100場。

人類思考追唔上人工智能已經係不爭事實,只係人工智能唔需要學習人類思考方法,亦唔再去模仿人類思考模式, 咁先最恐怖。

機器沒有道德規範

學人類棋局嘅人工智能,鬥唔過自學成功嘅人工智能,即是人類思考方法連帶教出嚟嘅機器都會到達樽頸,限制咗人工智能嘅進步。自學成功就會諗到人類想像唔到嘅思考方法,唔知人類應該開心定恐懼。

《經人》話機器唔使人教,掉轉頭教番人類,可以幫助人類進步。中國大國手柯潔輸咗俾AlphaGo之後,研究電腦棋路,之後戰無不勝。

機器可以啟發人類的思考方法,但思考能力係唔可以即時由冇變成有。一部你預計唔到思想嘅機器,就算佢唔係想害你,佢執行任務時,難保唔會損害人類生活。

人工智能炒股票,將來必定成為主流。全世界嘅機器鬥炒,全部嘅目的只係要賺錢,佢哋冇任何道德責任,例如傳統嘅股票老行尊,覺得買上去贏錢先係王道,沽落去賺錢令生靈塗炭唔正路。股市跌500點會令人類驚慌,但機器見到跌1000點都無動於衷,只會思考再跌落去會否賺得更多。

人類會怕大冧市令經濟衰退,生活質素大受影響。資產大冧價會令人資不抵債,大部分人失去財富,會令社會動盪,所以冧市唔符合人類整體利益。但係機器唔會有冧市恐懼症,佢哋唔會怕餓死,冧市贏大錢,正正達到遊戲嘅目的。機器炒股票同捉棋其實冇分別,都係遊戲,勝負用金錢數字定奪。贏出遊戲但係人類生活大受影響,唔係機器思考嘅一部分。

10年後人工智能一定取締了很多人類嘅位置,人類可能完全唔使思考,只係享受機器帶來嘅生活便利。

千祈唔好發明一副拯救地球嘅人工智能,因為儍嘅都諗到要拯救地球,唯一方法就係要毀滅人類,人工智能只會諗點樣行動。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads