熱門:

2017年10月2日

高仁 財圈識真假

「股壇長毛」也走漏眼的奇股

各位「巴打」相信都記得,5月份港股「妖氣」沖天,先有中資券商篩選了66隻「疑似老千股」,接着有「股壇長毛」David Webb列出「迷之網絡:50隻不能買的港股」。

上市公司中期業績期後,「豬朋狗友」程更計及施友化終於有空出席飯局,與高仁一起從業績股中「尋寶」發現到一隻股份,其收入不算太多,卻有巨額盈利,莫非這是「股壇長毛」也走漏眼的奇股?

在披露對話實錄之前,請各位「巴打」與「絲打」重溫人物背景,簡介如下:

程更計──本地證券行經紀兼財務顧問,除了招呼散戶之外,亦向上市公司出謀獻計。

施友化──擁有公司私有化經驗的前「唉賓」,被看中轉型為上市公司CFO。

高 仁:你哋兩位「巴打」終於有時間同我飯局啦咩!?(高仁註:口裏說不、身體卻很誠實嘅表現,正為兩人斟茶。)

施友化:高仁息怒,小人近來事忙,實在是身不由己。中期業績期啱啱完咗,而家好free啦。

高 仁:哈!哈!話時話,我喺業績股中尋寶發現到一隻「好嘢」,佢本身核心業務收入唔算多,但奇就奇在可以產生巨額盈利。呢隻「好嘢」就係內地開發兼經營批發商場,同埋開發兼銷售住宅物業嘅卓爾集團(02098)。

中期實際或虧損

程更計:論牌面,該公司業績好到「冇朋友」,2017年上半年收入勁升2.7倍,至23.24億人仔,主要係收購供應鏈管理同貿易業務帶來嘅收益,純利則倒退兩成六,但都有10.75億人仔;2016年上半年就更離奇,收入只有6.26億人仔,但純利卻有14.63億人仔。究竟搞邊科呢?

施友化:佢咪就係可能搞得掂個會計制度囉!一般嚟講,地產公司要將投資物業入賬會有兩個方法:第一個方法係cost model,即係以成本價減去按年折舊;第二個方法係fair value model,即係按年重估物業價值,當中差額以盈虧列入P&L。

高 仁:冇錯!該公司每年會將起好樓嘅存貨,由持作出售竣工物業轉撥至投資物業,因應物業價值重估就錄得巨額嘅公平值收益。

程更計:咁公司咪可能「發達」!?

高 仁:如果我用「星爺」嘅「還原靚靚拳」執返「靚」盤數,該公司2017年上半年可能實際虧損9.1億人仔,與報表中賺10.75億人仔可能差天共地;2016年上半年可能實際盈利只有8.37億人仔,較報表中賺14.63億人仔,大減四成三【表】!

程更計:嘩!真犀利!

施友化:或許呢啲就係上市公司識得利用會計制度嘅好處囉。

與豐盛交叉持股

程更計:我仲留意到,卓爾持有豐盛控股(00607)3.45%權益,豐盛則持有卓爾8.17%權益,另豐盛亦持有多家上市公司權益。所以,卓爾同豐盛屬於交叉持股性質。

施友化:照咁睇,卓爾有可能是連David Webb都走漏眼嘅奇股喎。

上市公司可以透過會計制度「執靚」盤數,大股東也可以向上市公司上下其手,各位「巴打」又知不知道其方法呢?

本欄逢周一刊出

歡迎交流上市公司的財技個案及招數,請電郵至[email protected]

 

放大圖片 / 顯示原圖

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads