熱門:

2017年9月6日

方卓如 方如玉帥

規矩隨時移動

恒生指數收報27741點,升1點,成交770億。同以往一樣,北韓目前只會令市場跌一日,然後就當冇事發生。當世界接受了北韓是核子國家,而佢又唔會貿然開戰打人免招滅國,咁其實世界又唔會因為北韓而改變。只不過現代打仗其實本身係毫無個人感情因素,唔似中古時代打仗用嚟報殺父之仇,現代戰爭必定係政治考慮。當攻打北韓有政治利益,要搵開戰理由而家係易如反掌。都係嗰句,狼來了隻狼唔出現嘅話,就唔叫狼來了,叫先見之明。市場目前究竟係前者定後者?

個別細價股據說開始郁動,但無論如何郁動,肯定同兩年前大時代期間有天淵之別。現在細價股任你唔敢飛到上天,就算在山腰徘徊,都唔會有多人參與炒賣活動。細價股要熱鬧,唔單止要價升,仲要有新故事,令人有遐想。大時代就係因為有眾多故事,細價股先至人財兩旺。而家嚴打借殼活動,加上嚴防走資,細價股斷咗活力來源,點會有當年嘅氣勢?唔好以為而家蠢蠢欲動,兩三日貨仔就現形。唔好以為細價股係牛市嘅尾部,細價股未玩完,牛市就未完,牛市而家係有頭冇尾。

中國農產品交易(00149)供股被截,公司計劃提出覆核。交易所對公司集資有意見唔罕見,但係明顯公開落閘就唔多見,證明而家係擺明插手公司事務。大比例折讓供股,要股東舉手通過,如果股東贊成都唔容許,要有充分理由。反對供股嘅小股東,正如融創孫宏斌所講,可以市場沽出,呢個世界冇焗賭。唔供唔沽自然被攤薄,這是數學題。如果監管要為唔供唔沽嘅小股東出頭,對肯供肯沽嘅股東又是否公平?條界線劃喺邊度先叫係正義行為而唔係干預自由市場?太多白紙黑字以外嘅額外要求,睇人嚟批准,冇人知道如何守規矩,因為規矩隨時移動。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads