熱門:

2017年9月1日

方卓如 方如玉帥

上山容易 落山先難

Game of Thrones嚟到最後一季,儲咗最多嘅fans,配角要死嘅又死晒,剩低嘅主角收場如何,劇中嘅謎底怎樣揭盅,成為一門學問,就像紅學一樣。GOT入面,white walkers點解要南下攻城,誰人是傳說中的救世者,邊個最後坐上iron throne,網上都有唔同嘅討論。正因為GOT並非純粹一部虛構電視劇,而係由幾部結構龐大嘅小說改編,變成了擁有文學價值,值得你用故事嘅蛛絲馬跡去推敲故事嘅結局,否則完全天馬行空,最後是王晶式結尾收場,動腦筋是沒有意思。現世令人期待嘅結局,對上一次係Harry Potter,跟住就係GOT

結局往往叫人唏噓,任你開頭如何轟烈,過程如何燦爛,結局如果係反高潮,輕則令人嘆氣,重則一鋪清袋,將以往功績如粉筆字全部抹去。鄧爵士一生活得精采,知道時日無多,豪邁地想搞一個告別派對,以一時佳話結束一生。可惜就只差數日,派對未成,人已離去。岩士唐橫掃環法單車冠軍,如果沒有或者沒有被揭發服用禁藥,佢永遠都係傳奇人物,但係結局剛剛相反,由天堂打落地獄。

股市都係,賺到錢嘅已經唔容易,留得住仲可以發揚光大嘅,萬中無一。上山容易,落山先難。通常落山嘅會做生意,成功例子只有一個,其他人做生意就係沒落嘅開始,因為識炒股票嘅好少識得做生意,做生意等於做善事,不如擺明做善事仲好,至少銀紙唔見咗都有個好理由。唔做生意,繼續炒賣嘅,一係英年早逝,一係中伏輸返轉頭。要數最多坎坷結局嘅行業,首選就係炒股票。

所以,平時要多讀幾本書,或者走捷徑多睇電視,了解呢個世界,過程固然重要,但結局唔理想,唔開心嘅唔一定係你自己。最悲壯嘅結局係,始作俑者反而懵然不知開心地活下去,身邊人卻一個二個倒下。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads