熱門:

2017年8月25日

方卓如 方如玉帥

幾時都可以騎返上隻牛

Game of Thrones第七季下星期就大結局,要等一年先可以睇佢點埋尾。我今年開始先至一氣呵成追齊六季,然後開始每星期追一集,再開始等一年睇下一季。由連續煲劇,每星期追看,到引頸以待新一季,所有劇迷嘅經歷都濃縮在同一年內發生,活得比很多人精采。所以話,timing永遠係生命之中決定你幸福與否嘅最大元素,買股票係,拍拖結婚係,連追劇都係,問你怕未?

馬雲話要將香港變成無現金城市,其實香港已經好接近無現金交易。你搭車、食飯、買嘢,用八達通同信用卡,一日可以完全唔用現金,只係街市買餸同搭的士要俾現金找錢。

咪以為無現金城市先進

大陸叻在買餸同叫車都唔收現金,搞到好似係一個先進無現金城市,查實食飯唱歌跳舞仲係數緊一疊二疊人民幣。而保存財富嘅最佳方法,都係一疊二疊放在陰涼之處嘅人民幣。大陸離無現金城市仲係好遙遠,因為現金消失並唔符合大多數人嘅利益。而香港現金消失,影響最大嘅就反而係低下層,因為佢哋必定要跌入銀行嘅收費網,少咗一個幾毫都會影響生活。

無現金嘅世界係極權政府嘅最佳武器,反對政府嘅人將會失去所有資源。上星期遊行人士合共捐咗幾百萬訴訟基金,如果社會停用現金,你點捐錢俾開唔到戶口嘅社運人士?你千祈唔好以為無現金城市先進,你得到嘅方便抵消唔到失去嘅自由。

你而家最常聽見人問嘅一句,就係股市到頂未,幾時跌。留意,冇人用個「冧」字,只敢睇佢跌。股市肯定連升8個月,好得令人唔相信,普遍人唔怕輸,係唔敢贏。

好多人輸錢面不改容,贏錢反而手騰腳震,因為輸錢係已發生的不幸,見到自己承受能力,反而豁達;贏錢嘅恐懼係怕輸番轉頭,有食唔食罪大惡極,由贏變輸呢吓心理打擊,好多人受唔住,原諒唔到自己。連升8個月,好多人心理壓力仲大過連跌8個月,反而進退失據,不知所措。

其實,9月都到,12月又放假滑雪,只有3個月嘅工作時間。8個月已經完成一年嘅目標,做多3個月難道可以賺多一倍?不如將利潤袋好,減少心理壓力,之後再博過。

如果而家係慢牛,慢牛嘅特點係,timing經常出現,你幾時都可以騎返上隻牛。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads