熱門:

2017年8月11日

方卓如 方如玉帥

狂人唔係金正恩而係特朗普

美國同北韓會否開戰?《經濟學人》洞悉先機,一早已經分析此戰必須避免,佢哋都見到唔對路。北韓指特朗普為人唔理智,不能夠坐埋枱談判。由美國總統代替了北韓領導人不理智同不能談判嘅位置,都算諷刺。《經濟學人》話北韓核武問題,只可以冰封,維持原狀,有待他朝由理性嘅領導人上場先可以解決,證明而家嘅局面係僵局,邊個沉唔住氣,撕破了面,就會開拖。

最驚係兩邊開拖就一定係核戰,因為美國唔會派兵去北韓,北韓亦唔會用戰機去打美國,必定係互射飛彈。北韓受唔住飛彈攻擊,惟有出核彈同全世界同歸於盡,至少係攬住南韓一齊入火海。世界共識係,如果兩邊真打就非常大鑊。北韓唔會主動攻擊,因為知道佢哋係唔可能夷平美國,先出手必定招致滅國,《經濟學人》都睇穿金正恩想劃地為王嘆世界,唔會令自己冇命。反而特朗普說出要北韓嘗試fire and fury,世界將會前所未見,怕佢講得太盡令自己冇得返轉頭,真係撳掣射核彈,北韓一片火海係燒唔到佢一條頭髮,而家世界害怕嘅狂人唔係金正恩而係特朗普。

核戰場面 無從避險

股市因為北韓而下跌,但更明顯嘅係成交上升,證明沽貨避險嘅大有人在。問題係,核戰嘅場面,人類如何避險?你沽貨變成滿手現金,又如何?隨時銀行擠提,你嘅銀行戶口要封存,限制提款,就如年前的希臘。有錢,市面上嘅資源被大家一掃而空,有錢都冇貨買,你睇委內瑞拉?唔揸現金又如何?買金?你真係以為亂世之下可以使用黃金?你估而家係明朝,用金用白銀嚟交易。低價掃磚頭?亂世磚頭係搬唔走,你睇阿勒普,一代名城而家變成廢墟。

結論係亂世之下冇一件資產係值錢,戰爭永遠係消滅財富同債務嘅最佳工具。目前世界嘅繁榮係靠透支未來而嚟,終有一日要還。還唔到,惟有就係反枱,大家由頭嚟過。

美國同北韓如果互揪,怕就怕成為全世界反枱推倒重來嘅開始,你唔好諗自己嘅資產如何處置,應該諗吓你自己本身係唔係資產,亂世之下都有本事生存。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads