熱門:

2017年7月3日

高仁 財圈識真假

「巴打」絕配靚顏色正香水

各位「巴打」都知道,高仁是「星爺」周星馳的「粉絲」,2003年星爺接拍了一輯啤酒廣告,講述上網識女仔遇着名不副實的網名,其中有「純情小鴨鴨」、「單吊一索男」和「彩虹邊的雨雲」,網名為「型英帥靚正」的星爺則遇上由「如花」假扮的「如夢」。

高仁連續第7年在《信報》撰寫財技拆局文章,又開拓「財金『巴打』衣着」系列的文章,今年4月初就撰寫了〈型英帥衣着配搭竅門〉一文,講解型、英、帥的衣着配搭竅門。既然有「型英帥」,當然要有「靚正」,本文將會講解靚顏色與正香水的絕色配搭。

在披露對話實錄之前,請各位「巴打」與「絲打」重溫人物背景,簡介如下:

戴孤劃──又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東;

程更計──本地證券行經紀兼財務顧問,除了招呼散戶之外,亦向上市公司出謀獻計。

着衫配搭宜同色系

高仁:我上次教「巴打」着衫配搭嘅竅門,如果有跟住去做嘅話,相信應該都會變得「型英帥」咗。各位「巴打」,你哋想唔想好似星爺咁要埋「靚正」先?

戴孤劃:(以普通話回答,戴Sir又在打廣告)「鐵哥」,當然要啦,這個還要咱們說的嗎?

高仁:OK。先講「靚」顏色,「巴打」們要記住最簡單嘅着衫配搭,就係同色系配色,例如揀咗一件衫屬於其中一隻色,其他服飾就要喺搵番相同或附近嘅色做配搭。

程更計:同色配同色?!會唔會好奇怪呢?

高仁:當然唔會啦!顏色有色彩濃淡之分嘛,即係同一種顏色嘅淺色調同暗色調,即使睇起嚟色度上好大差異,其實都屬於同色系配色。簡單嚟講,色彩濃淡就係運用同色系唔同明度嘅顏色做配搭,呈現對比嘅手法。

程更計:Mmm………我諗我都係鍾意互補色配色,容易啲mix & match嘛。

戴孤劃:其實,唔同顏色真係會畀人好唔同嘅印象喎!

高仁:係呀。藍、綠屬於寒色系顏色,有一種腳踏實地兼冷酷嘅距離感;紅、黃、橙屬於暖色系顏色,就畀人一種溫暖、積極、有活力、熱情嘅印象,連「Trum Trum」競選總統都專登打紅色領呔;黑、白、灰嘅中間色系冇寒暖之分,但畀人一種整潔、腳踏實地、樸實嘅感覺【表】,最適合財金「巴打」。

程更計:講完靚,咁乜嘢係「正」呢?

香水濃度10%就夠

高仁:「正」香水是也。點解係「正」?因為噴香水係基本禮貌,一方面可以避免「巴打」聞到自己嘅體味,另一方面配上合適服飾就會型上加型。

戴孤劃:香水都分好多等級喎?可唔可介紹下?同埋講解下用法?

高仁:冇問題。基本上,香水可分成香精、香水、淡香水、古龍水、鬚後水5種,一般男士用濃度10%以下就夠,否則over咗會畀人庸俗嘅感覺。用法方面,首先將香水噴喺左右手腕,之後左右手腕互相觸碰,然後將沾上香水味嘅手腕輕觸耳背,最後將香水輕觸恤衫嘅心口位,咁就大功告成,魅力「升呢」(升level)。

程更計:哈!哈!「咱們」終於做到「型英帥靚正」啦!

各位「巴打」可以透過「配搭」變得「型英帥靚正」,上市公司也可以利用賬目造假,沽空機構又有什麼新招數呢?高仁與各位「巴打」下回分解。

「財金『巴打』衣着」系列文章

本欄逢周一刊出

歡迎交流上市公司的財技個案及招數,請電郵至 [email protected]

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads