熱門:

2017年3月24日

方卓如 方如玉帥

這裏唔畀你發夢

票投奶媽可以有好多個理由:佢係傳聞中阿爺支持但唔欽點;佢熟書;佢做到嘢,等等。

票投薯片只需要一個理由:佢令到香港社會開心,重拾希望。

香港跌咗落地獄5年。對,足足5年,上屆特首選舉嘅時候香港已經感受到恐怖。5年來香港人未開心過,一日打到黑。未來5年要有新局面,唔止係換一個人,要換思維,要換手法。香港人受軟唔受硬。愈硬,愈唔服,愈死心。行軟,香港人受落,你唔會有阻力。薯片話要推廿三條,要認「8.31」,就係因為佢夠柔,連民主派都畀票佢,天下奇聞。將來真係推廿三條,民主派點可以反對?懂功夫嘅,以柔制剛,更能制勝。薯片示範咗如何管治香港,如何推行唔受市民歡迎的政策。

首富話金無足赤,兩害取其輕,香港應該點揀?我相信香港而家想開心,因為已經唔開心咗好耐。講完。

港人5年來未開心過

首富被問到如果而家有錢,應該買股票定買樓?佢諗都唔使諗,梗係買樓。點解買樓只有買貴唔會買錯?你應該要改變一下思維,例如只要你當樓係鑽石一樣,咁你就舒服好多。鑽石值呢個錢咩?你唔知鑽石係俾人人為地托高價錢咩?鑽石連二手市場都近乎欠奉,又唔會帶來回報,點解大家都要爭住購買呢啲垃圾?要用就要買,你只會計自己條數,買到就買。用呢個概念,你就唔會怕買樓買貴。鑽石都可以人為地全世界托價,香港咁細嘅地方,樓價要托非常容易。所以首富話,購買力咁強勁,咁強力嘅托價,鑽石你都肯買,何況樓?

香港人冇理想,好難怪,因為這裏唔畀你發夢。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads