熱門:

2017年3月8日

方卓如 方如玉帥

一單交易就可以推冧樓市

特首發律師信告議員誹謗,令我想起特朗普發律師信畀《紐約時報》,就兩名女性指摘特朗普非禮嘅一篇報道道歉。《紐約時報》的回信當時是網上傳閱嘅熱門,因為回信寫得不卑不亢。內容大意是,誹謗是指影響一個人的聲譽,但係特朗普自己嘅言行舉止,已經令自己在尊重女性議題上聲譽掃地,還可以如何影響佢嘅聲譽,如何誹謗?更何況文章客觀報道,又有特朗普否認嘅回應,好難構成誹謗。

創業板化 易招誹謗

政治人物俾人鬧,俾人詆毀,預咗。詆毀同誹謗,一線之隔。要告人,日日都唔得閒,上法庭多過返辦公室。特朗普要發律師信嘅話,一定多過佢簽嘅行政命令。所以佢最強嘅反擊,就係話呢啲全部係假新聞。你有你講,佢有佢講,任何詆毀說話,支持者都唔會聽得入耳。政治人物一定有傳媒曝光機會,要挽回聲譽,其實有好多方法。

樓價每星期都破頂成交,全因為係樓市創業板化嘅結果。貨源歸邊,全街冇貨,一單交易就可以拉高市價。咁癲嘅樓市,點先會冧?同創業板股票一樣,只要有一個人忍唔住,心急要錢,平少少賣出去在所不計,一單成交就足以推冧市價。

而家嘅情況,推冧市價係易過mark高。點解?而家嘅價錢同用家能力同薪酬水平脫晒節,仲肯高價同你搶嘅人愈嚟愈少。反之,驚自己遲沽會錯過了呢類一生何求嘅山頂價之業主,愈嚟愈多。本來貪心戰勝恐懼,但到了山頂就恐懼蓋過貪心。忍唔住手,平少少肯沽嘅人,快要出現,到時候樓市就係被一口價mark低,傳媒就會開始誹謗樓市,話佢開始爆煲。

創業板股票能夠神乎其技地長期維持高價,有賴持貨能力特高嘅投資者。樓市業主持貨能力參差不齊,總有人忍唔住肯平啲沽。到時候,呢個忍唔到手嘅人,就係無端令樓市轉角嘅罪人,罪名較聲稱遭誹謗繼而搞到要出律師信嘅人更大。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads