熱門:

2016年12月20日

方卓如 方如玉帥

一百蚊

啟德地皮再創呎價新高,比上次同一集團投得的天價還要高一百蚊。唔好睇輕呢一百蚊,佢有深層意義。同一集團,上次已經用大幅拋離對手嘅超高價投得地皮,地價接近附近開售現樓嘅呎價。今次,辣招「加辣」之後,市場普遍認為唔會再出現早前嘅天價。

事實上,同一集團用上次同一價錢相信都可以奪得地皮。錯!係用上一次天價再減呎價一百元都可以穩奪。但結果,唔單止繼續高價投得,仲要加多一百,目的是告訴全世界「志在必得、無懼辣招」,而且上次天價其實投得啱兼投得平,現在又升值了。面對咁霸氣嘅一百蚊,香港人,你可以點?

正如我所講,香港係中國境內嘅美元區,要走資抗衡人民幣貶值,冇其他地方好得過香港,而香港最值錢嘅只有磚頭。

股票都會俾人呃,未來監管A股化,對儲存甚至創造財富非常不利,買股票唔一定保值。既然獨沽一味房地產,內地嘅房地產只可以用嚟住,香港嘅房地產就可以用嚟炒,大量逃難嘅錢走落嚟,房地產點會唔買到爆?

內地資金劈價可以好狠

加息唔會引致樓價下跌,貨疏嘅情況之下,買唔起樓嘅更加買唔起,買咗樓嘅只會勒緊肚皮繼續死頂。什麼時候樓價要跌?就係加息之後經濟收縮,公司開始裁員,冇工做自然供唔起樓,交唔起租。貨疏情況下,一單成交就可以mark高市價,令人覺得樓市上升。同樣道理,一單劈價成交又可以mark低市價,造成樓價向下。而家普遍預期係樓市向下,只係業主坐貨能力高,惜售。到經濟因為加息而下滑,就變成買家觀望,賣樓套現困難。內地資金掃貨可以好狠,但同時劈價求售套現可以仲狠。用唔係自己錢買貨自然狠,但賣貨之後套現落自己袋,自然更加狠,反正成本是零,賣平啲只係袋多袋少,冇分別。

美元區受惠掃貨保值是事實,但沽貨套現時可以令你非常痛苦。呢個世界,有借有還,好難畀你直線上升永無止境。美金升值、人民幣貶值,香港夾喺中間,短期內係有資產人士賺大錢嘅最後機會。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads