熱門:

2016年9月6日

方卓如 方如玉帥

未必想拆個鎯鎯

有冇睇過活地阿倫套Match Point?網球打中網,個波跌落邊邊場區,純粹講運,但結果就會好唔同。立法會選舉都係,兩邊陣營支持率其實同2012年嗰屆分別不大,都係55/45之分,但係新東、港島、超區,三個尾席相差票數甚微,個波跌晒落去非建制有利嘅場區,加埋意外地易手嘅建測規園,咁就來回贏咗8席。來回呢8席,代表政府在下年換屆前都係被廢武功,唔會有好日子過。來回8席,未來流會嘅機會更高,幸好建制新入局嘅,大多數係年輕素人,佢哋唔似啲江湖大佬有咁多公務,有本錢坐定定開會。有人話非建制選中嘅無乜人才,建制又何嘗唔係?未來流會成為新常態,最慳水慳力玩殘政府嘅方法。

香港人識自行配票

下個戰場係選委會,議題比立法會更清晰, ABC。今屆已經有唔少梁粉唔敢出嚟或者唔俾出嚟選立法會,搞到挑戰現任嘅勢力薄弱咗。到選委會,無論建制或非建制,都可以大大聲講ABC,邊個唔敢講嘅,都幾難選到。繼立法會之後,假如再一次在選委會選舉失利,唔會覺得香港唔需要換人啩?

不過,而家香港人醒咗,睇吓佢哋識自行配票就知,未必一定想換人。老鼠咁辛苦將個鎯鎯掛咗喺隻貓條頸度,梗係唔想主人咁快拆落嚟。而家政府每做一件事,香港人驗屍咁驗,睇吓有乜蠱惑害自己。如果發現唔到,必定係自己睇得未夠深入,再睇!就以選舉為例,連選票崩咗左上角,都懷疑有景轟,要操控選舉結果;繼而發現身份證副本都可以投票、票站無端端多咗三百票,有一點城寨居民自發守城嘅悲壯感覺。全靠梁特,市民重拾求生基本事事提防之心。香港人自保靠自己,呢份懷疑之心最關鍵,多謝梁特。假如換咗另一個笑騎騎、佛口婆心嘅救世主出嚟,怕佢會將毒藥包裝成糖果,讓放下戒心嘅香港人安心食用,兼且喪失咗團結港人嘅凝聚力。聰明嘅香港人,而家唔再單純,未必相信換人等於換結局,最多只係換過程。

咁嘅情況之下,此時此刻,梁特就是太完美。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads